Queremos Galego acode aos tribunais ante a nova negativa do Concello de Santiago a autorizar a colocación dun palco para o acto final da manifestación deste domingo
Carlos Callón: “Non poderemos ter palco, mais teremos gorxas”
“O PP procura novas estrataxemas para evitar que a capital de Galiza acolla actos en defensa do idioma galego, despois do fracaso das súas tentativas co Correlingua e co pasado Día das Letras”
Santiago de Compostela, 24 de xaneiro de 2013.- O Concello de Santiago enviou hoxe unha nova comunicación á plataforma Queremos Galego na cal denega absolutamente a posibilidade da colocación dun palco para o acto final da manifestación unitaria que, so o lema “Pola lingua que nos une. Queremos galego na escola” sairá este domingo ás 12 h desde a Alameda da capital de Galiza. A plataforma, impulsada e coordinada pola Mesa pola Normalización Lingüística e conformada por máis de 700 entidades, decidiu acudir aos tribunais para defender “a liberdade a podermos realizar actos en defensa do noso idioma na capital do noso país”.
O presidente da Mesa e portavoz de Queremos Galego, Carlos Callón, lembrou que “non é a primeira vez que acontece unha situación semellante desde que goberna o PP en Compostela”, pois xa tentaran evitar a realización da actividade escolar do Correlingua e tamén o acto final da manifestación do Día das Letras de 2012. “É triste constatar que ao PP lle proe que saiamos ás rúas da capital de Galiza en defensa do noso idioma e que procure todo tipo de subterfuxios para obstaculizar a mobilización da cidadanía”, sinala Callón.
A plataforma en defensa do idioma propio lamenta a “vocación censorial” do PP e sinala que, a pesar dos “paus nas rodas”, manteñen “mesmo con máis forza” a manifestación e o acto final na Praza da Quintana, aínda que sen palco, tras a prohibición do Concello. “Non teremos palco, mais si teremos gorxas, máis cargadas de forza e de razón”, advirte o presidente da Mesa, que lamentou que no escrito remitido hoxe polo concello, “ameazase con suspender o acto se a organización non cumpre co resolto polo goberno compostelán”.
A negativa do goberno municipal chega hoxe despois de que a plataforma cidadá solicitase a retirada da fianza de 600 euros que lle impuña se quería colocar un palco para o acto final. Queremos Galego argumentou perante o Concello de Santiago que a cantidade que reclamaba como fianza resultaba “excesiva”, visto que é unha entidade sen ánimo de lucro e que esta plataforma ten instalado palco nesa praza en moitas ocasións sen que constasen nunca ningún tipo de desperfectos, ademais de que segundo o artigo 110 da Ordenanza reguladora de actividades, instalacións e ocupacións da vía pública do Concello de Santiago “(…) poderase esixir a constitución dunha garantía a todas as persoas organizadoras e responsables (…)”, sen que a imposición desta fianza teña carácter prescritivo senón potestativo, polo que o Concello non ten a obriga de a exixir a entidades cidadás, e moito menos se o acto que se convoca ten relación co dereito de manifestación e a liberdade de expresión, ambos dereitos consagrados na xurisprudencia estatal e internacional como dereitos fundamentais.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
