O alcalde de O Valadouro pide explicacións públicas de por qué a asociación cultural Amado Lar se nega á organización do Entroido 2013

O ALCALDE DE O VALADOURO PIDE EXPLICACIÓNS PÚBLICAS DE POR QUÉ A ASOCIACIÓN CULTURAL AMADO LAR SE NEGA Á ORGANIZACIÓN DO ENTROIDO 2013

Desde os inicios da Asociación Cultural Amado Lar, alá polo ano 1986, foi a encargada de organizar diversos eventos culturais dentro da vida social e cultural do concello, entre eles, o entroido. Houbo un parón no ano 2006 e volveu a retomar a organización da actividade no ano 2009 acollendo, en cada ocasión, máis relevancia e cantidade de nenos e maiores participantes no desfile que partía da Praza de Santa María e chegaba ata o Pavillón polideportivo de Valadouro. Nesta última etapa colaboraba o concello activa e economicamente co acto.

De súpeto, atopámonos, que este ano a directiva da asociación cultural non organiza esta edición de entroido deixando sen explicacións públicas ós veciños e veciñas de O Valadouro de cal é o motivo real polo que este ano se nega á organización do evento. Desde a alcaldía, pido que explique, a directiva, se solo é este ano de parón ou vai a ser un ano si e outro non ou solo cando se antolle….

Esta situación creou moito malestar entre os veciños e veciñas de O Valadouro. Polo que despois dunha reunión mantida entre o alcalde do concello de O Valadouro, don José Manuel Lamela Piñeiro, e numerosos pais e nais de nenos do Valadouro chegouse (ante a imposibilidade de organizar un desfile de entroido como se viña facendo nos últimos anos) ó acordo de organizar un baile de disfraces para todos os nenos e nenas. A actividade vai a ter lugar o vindeiro 10 de Febreiro de 2012 a partir das 17:00 horas no pavillón polideportivo municipal de Ferreira, onde os nenos van poder xogar e disfrutar con xogos e inchables.

Sen máis, convidar a todos os veciños a participar do entroido da que se agradece a súa colaboración e pedir que a directiva da Asociación Cultural Amado Lar de O Valadouro que explique publicamente nos medios cal é o motivo polo que este se nega á organización do evento, cando á asociación esta actividade apenas lle supuña desembolso económico.