A Fundación TIC pon en marcha unha novidosa iniciativa para achegar as novas tecnoloxías ós rapaces da provincia
A Fundación TIC porá en marcha o vindeiro día 6 de febreiro un innovador programa de visitas e actividades gratuítas dirixidas ós alumnos que cursan estudos de secundaria en centros educativos de toda a provincia, co que a Fundación pretende achegalos dun xeito lúdico ás novas tecnoloxías. Esta entidade sen ánimo de lucro, que promove a Deputación de Lugo, ten como obxectivo prioritario traballar en prol da educación, a investigación e o desenvolvemento das TIC, así como ofrecer formación nestas tecnoloxías ós lucenses.
Para cumprir este obxectivo de achegar as TIC ós máis novos, a Fundación promovida pola Deputación de Lugo inicia un amplo programa de visitas e actividades, totalmente de balde, que permitirán ós estudantes de ESO coñecer de preto o traballo diario desenvolvido nun estudo de televisión, que abrangue a produción, edición, realización e postprodución de audiovisuais. Ademais de coñecer as instalacións da Escola de Imaxe e Son (EIS) e do Centro de Produción de Programas (CPP), os rapaces participarán activamente na gravación dun espazo informativo que realizarán e editarán os alumnos que cursan estudos da EIS, responsables tamén da produción e elaboración das noticias. Ó remate, os escolares recibirán unha copia do vídeo do programa.
A EIS e o CPP
A Fundación TIC conta coa Escola de Imaxe e Son, o único centro que imparte en Lugo ensinanzas superiores de Produción e de Realización de Audiovisuais, Radio e Espectáculos. Este centro ten como eixo fundamental a combinación de formación e práctica en contextos e escenarios reais, o que permite vincular directamente a formación dos alumnos ás necesidades e esixencias das empresas do sector audiovisual. Dende a súa apertura, máis de 300 alumnos cursaron nela os seus estudos de Produción e Realización. A EIS ocupa un edificio emblemático da cidade, situado na rúa Frei Plácido Rei Lemos.
A Fundación TIC dispón, igualmente, de aulas e instalacións profesionais nas que os alumnos da Escola de Imaxe e Son reciben formación teórica e práctica. Trátase do Centro de Produción de Programas, no que hai habilitados dous estudos profesionais, nos que os estudantes gravan os seus propios programas de radio e televisión, que logo editan utilizando as últimas tecnoloxías. Grazas á calidade da formación e os medios técnicos dispoñibles, os alumnos acadan un nivel óptimo de coñecementos, acorde ás demandas técnicas do mercado audiovisual actual.
Benestar social a través das TIC
A Fundación TIC asumiu hai dous anos a xestión do primeiro Centro de Innovación Social en Galicia, o In Lugo, co que se pretende xerar proxectos innovadores que favorezan o benestar social e a creación de emprego mediante as novas tecnoloxías. Para elo desenvolve un amplo programa de cursos itinerantes e actividades gratuítas por toda a provincia, ofrecendo formación especializada. A programación actual inclúe actividades dirixidas as persoas maiores, co fin de que exerciten corpo e mente dun xeito ameno, ó tempo que favorece a alfabetización tecnolóxica e o achegamento deste colectivo as TIC e ós servizos que estas ofrecen, como a administración electrónica.
Na actualidade, a Fundación TIC mantén relación con máis de 70 empresas nacionais do sector multimedia, e mantén convenios de colaboración con máis de 120 entidades sociais, culturais e deportivas, para difundir o seu labor sen ánimo de lucro. A través destas colaboracións, a Deputación de Lugo dá un novo impulso á relación que a EIS mantén co sector empresarial para a realización de prácticas dos seus alumnos na procura da súa futura inserción laboral.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
