XXSS de Lugo cre “un insulto aos mozos e mozas” que Novas Xeracións alabe as políticas de desemprego xuvenil de Rajoy
A Executiva Local de Xuventudes Socialistas lamenta que Novas Xeracións de Lugo “estea tan desapegada da realidade e do drama da fenda xeracional que está a abrir na provincia e en España a reforma laboral do Goberno do PP”
Desde XXSS lembran que o paro xuvenil acabou 2012 no 55,13%, duplicando a media europea, e que segundo datos do propio Ministerio, en Lugo subiu máis dun 3% só no último mes, “coa gravidade que isto supón nunha provincia que está envellecida a niveis alarmantes”
A Executiva Local de Xuventudes Socialistas en Lugo lamenta as declaracións realizadas polos responsables de Novas Xeracións do PP na provincia, nas que alaban e agradecen o labor de Rajoy contra o desemprego xuvenil. “É incrible que estean tan desapegados da realidade e do drama da fenda xeracional que está a abrir na provincia e en España a reforma laboral do Goberno do PP”, critican. Desde XXSS lembran que o paro xuvenil acabou 2012 no 55,13% en España, duplicando a media europea, con 930.200 mozos e mozas en situación de desemprego e cun aumento de 6,57 puntos con respecto ao ano anterior. Ademais, destacan que os datos do propio Ministerio din que en Lugo o paro entre os menores de 25 anos subiu máis dun 3% só no último mes, “coa gravidade que isto supón nunha provincia que está envellecida a niveis alarmantes”.
É por iso que desde Xuventudes de Lugo consideran “un insulto aos mozos e mozas” as declaracións realizadas por Novas Xeracións, a quen lle piden “un pouco de responsabilidade e de sentido común nun momento dramático para a xuventude”. A agrupación lucense sumarase así mesmo á campaña lanzada desde Xuventudes Socialistas en toda España (#empleojuvenilYA) a través de diferentes accións na rúa, nos medios e nas redes sociais con vídeos e diferente material para denunciar este problema e esixir solución ao emprego xuvenil. Con ela instarán ás institucións a que tomen medidas concretas contra esta lacra.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
