A Mariña, 27 de febreiro de 2013. Representantes da Plataforma na Defensa da Sanidade Pública da Mariña da que fan parte colectivos sociais, de doentes e organizacións sindicais e políticas compareceron na tarde de hoxe para facer un chamamento á sociedade mariñá a participar na concentración prevista o próximo sábado ás 12:00 na Praza da Mariña de Burela para proclamar o seu rexeitamento aos anuncios da Consellaría de Sanidade sobre a creación dunha área de xestión integradas que faría desaparecer a capacidade de xestión autónoma da actual área sanitaria norte con hospital de referencia no Hospital da Costa de Burela. A Plataforma ademais anunciou a intención das plataformas na defensa da sanidade de Monforte, Lugo e A Mariña de promover no conxunto dos concellos da provincia mocións de apoio ás súas demandas, coincidentes no caso das de Monforte e Á Mariña e que no caso da de Lugo pasan por implantar no HULA os servizos de hemodinámica, medicina nuclear e radioterapia.
Chamamento á sociedade mariñá para participar na defensa da autonomía sanitaria da Mariña e o cumprimento dos compromisos adquiridos polo goberno da Xunta coa comarca.
Dende a Plataforma consideraron fundamental o apoio da poboación mariñá para evitar un maior deterioro da sanidade pública que corre grave perigo si chega aprobarse un decreto de xestión integrada de ámbito provincial, indican que “A Mariña conta con todos os parámetros necesarios para contar cunha Área Xestión Integrada propia polo que piden á Consellaría de Sanidade marcha atrás nas súas pretensións”, aínda que non oficiais a falta de publicación do decreto, oficiosas polos numerosos datos xa coñecidos de que o SERGAS camiña nesa dirección. Reforzando o argumento sobre os efectos da aplicación dunha área de xestión integrada provincial advertiron do perigo que esta medida pon en perigo o mantemento do servizo de neonatos de Burela podendo darse o caso de que os recén nacidos sexan derivados a Lugo e as nais queden en Burela,así como a pervivencia da UCI tal como funciona na actualidade.
Na comparecencia pública puntualizaron que o chamamento faise ao conxunto da sociedade, ao marxe de siglas políticas, pero deixaron claro que a quen lle toca tomar decisións é aos representantes do Partido Popular que xestionan e sustentan o goberno da Xunta. Neste sentido cualificaron de “indignante” que representantes deste partido non teñan reparos en dicir que a Xunta está comprometida coa ampliación de Hospital da Costa ao tempo que eliminan calquera posibilidade de ampliación votando en contra de emendas aos orzamentos da Xunta para 2013 que pretendían ampliar a irrisoria cantidade de 50.000 euros que contemplan estes orzamentos. Nesta liña consideraron lamentábel que se pretenda seguir enganando á sociedade mariñá ao continuar facendo promesas sobre ampliacións virtuais dun hospital saturado e con continuas situacións de colapso polo que advertiron que con cinco promesas do Presidente Feijoo chega, o que a Mariña precisa son realidades.
Advertiron que a concentración do día dous en Burela non é o fin do camiño, “é un chanzo mais nos xa mais de dous anos de traballo na defensa da sanidade pública e que de momento xa conseguiu frear coa mobilización social de 2010 a aplicación dun decreto que naquel momento xa parecía inminente”. Non estamos dispostos e dispostas, matizaron, “que en nome da doutrina austericida se apliquen medidas de privatización dun servizo sanitario que é patrimonio de tod@s e non se pode entregar á mercantilización”.
As tres plataformas na defensa da sanidade pública de Lugo promoverán iniciativas no conxunto dos concellos da Provincia.
Na rolda de prensa aproveitaron para anunciar que as Plataformas na Defensa da Sanidade Pública de Monforte, Lugo e A Mariña acordaron promover no conxunto dos concellos da provincia moción de apoio ás súas demandas que no caso das da Mariña e Monforte son coincidentes no mantemento da autonomía de xestión fronte a un decreto de xestión integrada de carácter provincial así como maior investimento nos servizos sanitarios primarios e especializados en ambas áreas de saúde; na iniciativa demandarase os servizos de radioterapia, hemodinámica e medicina nuclear para o HULA porque non podemos seguir permitindo que un hospital da características deste non conte con estes servizos que aforrarían á poboación desprazamentos innecesarios e inhumanos a outros hospitais da comunidade.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
