Lugo, 15 de marzo 2013. A Xunta de Goberno da Deputación de Lugo aprobou hoxe a convocatoria para a concesión de subvencións, en réxime de concorrencia competitiva, destinadas a gastos correntes do Servizo de Axuda no Fogar (SAF) básico para os concellos con menos de 20.000 habitantes da provincia, tal como o anunciou o vicepresidente da institución e delegado de Benestar Social, o nacionalista Antonio Veiga, quen explicou que a contía total que se destinará a esta liña de axudas ascende a 650.000 euros, un 28 por cento máis con respecto a 2011. O ano pasado un total de 64 concellos dos 66 concellos menores de 20.000 euros da provincia beneficiáronse destas axudas para axudar a sufragar os custes do mantementos do Servizo de Axuda no Fogar a case 3.000 usuarios e usuarias.
“Esta medida – afirmou o vicepresidente- encádrase na estratexia de Goberno da Vicepresidencia, centrada na aprobación de medidas que garantan os servizos sociais nos concellos de menos de 20.000 habitantes aos que o Goberno galego deixou sen SAF básico coa aprobación do Decreto de servizos sociais e comunitarios polo que non financia dito servizo nestes concellos, é dicir, en todos agás o de Lugo. Este investimento deixa en evidencia que desde este goberno apostamos polas persoas do rural e o seu benestar preservando os seus dereitos mentres outras institucións non o fan. Fronte á Xunta e ao Goberno central, preocupados polo déficit público e centrados na privatización da sanidade e da dependencia, a Deputación lucense ten no seu eixo de actuación as políticas sociais. As medidas da Área de Benestar Social son diametralmente opostas ás dos executivos populares”.
Neste senso, Antonio Veiga aproveitou para pedir á Xunta que habilite liñas de axuda para os concellos con menos de 20.000 habitantes para evitar que o custe do mantemento do servizo recaia nos usuarios e usuarias do SAF básico, xa afogados pola suba de impostos, o repagamento farmacéutico e determinados servizos sanitarios. Lembrou, tamén, que “o Goberno galego adebeda á provincia de Lugo máis de dous millóns de euros en concepto de políticas de benestar por todas as cantidades que antes aportaba e desde o Decreto de servizos sociais non o fai”.
A subvención para o SAF básico que concede a Vicepresidencia da Deputación, a cargo da Área de Benestar Social, non excederá o 70 por cento da achega de fondos propios que dedique a entidade local ao programa ou servizo subvencionado, que deberá levarse a cabo ao longo deste ano 2013. A presentación de solicitudes para poder acceder a estas subvencións, que se outorgarán de acordo a criterios obxectivos, poderá realizase até transcorridos 30 días naturais contados a partir do día seguinte á publicación da convocatoria no Boletín Oficial da Provincial, que será previsiblemente o luns trala súa aprobación hoxe na Xunta de Goberno.
Defensa das actuais áreas sanitarias
Fóra do asuntos de Xunta de Goberno, Antonio Veiga afirmou que apoiaba firmemente as reivindicacións da Plataforma para a Defensa da Sanidade de Monforte, que ten convocada para mañá unha manifestación contra a xestión integrada única en Lugo. Nesta liña, Veiga expresou que “xa o equipo de goberno da Deputación de Lugo amosou a súa posición contraria á eliminación das xerencias sanitarias na Mariña e en Monforte de Lemos e ratificamos esta postura no pasado pleno, porque cremos que a Xunta de Galiza está a deixar de lado a milleiros de lucenses nun asunto tan serio como é a sanidade, simplemente co propósito de centralizar a xestión en Lugo para aforrar custes, obrigando a soportar a cidadanía custosos e incómodos desprazamentos para recibir atención sanitaria lonxe do seu hospital de referencia habitual, que pasará a ser o de Lugo”.
Para Antonio Veiga, “a postura do PP é soberbia e irresponsábel, como demostraron polo seu xeito de actuar na Mariña,, xa que desoen por completo as demandas de todos os mariñáns, e non hai máis que ver que á última convocatoria de xuntanza realizada pola Plataforma en Defensa da Sanidade da Mariña o pasado mércores, onde estaban practicamente todos os representantes dos sindicatos, persoal sanitario, traballadores e partidos políticos, a excepción do PP”.
“O enésimo anuncio que fai Feijóo do estudo da ampliación do Hospital da Costa parécenos talmente un anuncio-trampa co que tratar de desviar a atención. Nesta visión coincidimos tamén con moitas outras persoas do mundo sanitario da mariña que afirman que unha ampliación non serve para nada se non se dota do persoal necesario, algo que non vai acontecer xa que, ao contrario, moitos profesionais e persoal vanse ver desprazados a Lugo se a xerencia única integrada vai adiante, contra a vontade de todo o pobo da Mariña e Monforte”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).