Burela, 15 de marzo de 2013.- O Partido Popular da Mariña saíu ao paso das críticas efectuadas pola plataforma sanitaria en relación coa licitación do proxecto que permitirá a ampliación do Hospital da Costa esixíndolle a este colectivo que deixen traballar aos que se esforzan por facer algo positivo pola comarca e desistan da súa actitude de manipular e confundir á cidadanía.
“O que non pode ser é que esta plataforma pseupolítica un día diga unha cousa e ao día seguinte a súa contraria. Unha mañá montan unha manifestación reclamando a ampliación do Hospital e, ao día seguinte, critican á Xunta porque inicia os trámites que permitirán facer posible esta ampliación. Que se aclaren e deixen de enganar”
O Partido Popular comarcal defende que a ampliación do Hospital da Costa, que se inicia no día de hoxe coa publicación no Diario Oficial de Galicia da licitación do seu Plan Director, blinda a continuidade do centro e das súas consultas e ademais permite que este gañe en novas especialidades como poden ser quimioterapia e cirurxía vascular, entre outras.
Os populares consideran “indecente” que os veciños da Mariña se vexan sometidos a un intento de “engano masivo” por esta plataforma “que leva os catro últimos anos alertando dun falso peche do hospital, cuxa realidade todo o mundo pode comprobar que non é certa”. Desde o PP atribúen –“se ningún tipo de dúbidas”- esta actitude á manipulación e instrumentalización política da Plataforma Sanitaria, liderada por responsables comarcais do PSOE e do BNG cuxo único obxectivo é desgastar ao PP aínda con clamorosas mentiras.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
