Lugo, 16 de marzo de 2013.- A Delegación Territorial da Xunta en Lugo conmemorará o Día da Árbore coa organización para toda a vindeira semana de diferentes actos institucionais de difusión e de concienciación social en varios concellos da provincia.
Así o explicou a delegada territorial, Raquel Arias, que apuntou que se plantarán máis de 1.000 exemplares de especies autóctonas mediante esta iniciativa que pretende involucrar a institucións, colectivos cidadáns e escolares.
O Día Forestal Mundial -popularmente coñecido como Día da Árbore-, está promovido pola Unesco e celébrase o 21 de marzo. Nesa xornada, 200 escolares de Cervo plantarán 60 árbores de frondosas autóctonas, auxiliados polas brigadas do distrito forestal da Mariña da Consellería de Medio Rural e do Mar.
Ademais, a consellería doará ao concello 300 pradairos, 300 castiñeiros e outros tantos ameneiros para a súa plantación nos montes públicos de A Bidueira y A Escarapelada. Ese mesmo día, o subdirector xeral de Prevención e Defensa contra os Incendios Forestais, Miguel Ángel Cela González, dará unha charla informativa sobre a Lei de Montes no concello de Lourenzá.
O día 22 en Meira procederase á plantación de 10 castiñeiros cos nomes dos nenos e nenas nacidas no último ano, ao tempo que será inaugurada a Aula da Natureza do concello.
No acto previsto para o sábado 23 no concello do Corgo participarán as asociacións de montes veciñais en man común, colaborando na plantación de 25 pradairos, 25 ameneiros e 1 cerezo na área recreativa de Chamoso. En todos os casos cóntase coa colaboración das brigadas do distrito forestal correspondente.
Igualmente, está prevista a entrega de árbores a colectivos dos concellos de Ribadeo e Monforte, procedendo tamén á plantación de árbores autóctonas.
A delegada territorial subliñou a necesidade de “apostar polo carácter produtivo e sostible dos recursos forestais” buscando a rendibilidade económica porque “o monte, ademais de riqueza patrimonial e cultural, representa tamén unha actividade empresarial que pode xerar moitos postos de traballo e axudar a fixar poboación no medio rural”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
