A Mariña, 20 de marzo de 2013. A Plataforma na Defensa da Sanidade Pública da Mariña chama a manifestarse o próximo sábado ás 12:30 no Hospital da Costa nun acto simbólico de apoio ao noso hospital diante da que consideran inminente publicación do Decreto de xestión Integrada provincial que acabará coas competencias na xestión autónoma da Mariña. A plataforma quere unha manifestación en positivo para mostrar a defensa da sanidade pública e por unha xestión sanitaria propia para A Mariña simbolizando a demanda co rodeo do hospital en silencio por respecto aos pacientes. Alertan de que coa publicación o pasado luns do decreto de xestión integrada de Vigo só queda por publicar o de Lugo e cren que a Xunta pode facelo durante a próxima semana aproveitando a relaxación por vacacións. Con todo apuntan a que esta será unha manifestación preventiva e advirten que a publicación do decreto non vai parar as demandas dunha mellor sanidade pública para a comarca e anuncian que a publicación do decreto será o punto de saída para traballar noutras iniciativas e mais mobilizacións pola sanidade pública na comarca.
MANIFESTACIÓN PREVENTIVA PARA ABRAZAR O HOSPITAL DA COSTA DIANTE DA INMINENTE PUBLICACIÓN DO DECRETO DE XESTIÓN INTEGRADA DE LUGO
A Plataforma convocou á sociedade mariñá a manifestarse o próximo sábado 23 de marzo ás 12:30 da mañá para rodear a modo de abrazo o Hospital da Costa nunha mobilización preventiva diante da que consideran inminente publicación do Decreto de Xestión Integrada de Lugo que rematará coa actual autonomía de xestión da área sanitaria da Mariña para pasar a ser simples satélites do Lucus Augusti.
Pretenden “abrazar de xeito simbólico o Hospital nun acto silencioso por respecto aos pacientes alí ingresados” e mostrar deste modo o rexeitamento a un decreto que deriva as competencias de xestión sanitaria tanto deste centro como dos seus centros de saúde asociados da área sanitaria nunha xerencia provincial que decidirá sobre os recursos humanos, orzamentarios, infraestruturas e prestacións de servizos da nosa área sanitaria.
A mobilización ten carácter preventivo tendo en conta a inminente publicación do decreto de xestión integrada de Vigo publicada no DOG o pasado luns polo que xa só queda a publicación do decreto lugués para completar a demolición do actual mapa de xestión sanitaria de Galiza e por tanto faise un chamamento a participar activamente para frear estas intencións que cren poderían estarse adiando para aproveitar as datas de festividade dos próximos días.
A plataforma fai un convite ao comercio de Burela a solidarizarse o sábado ás 13 horas cun peche de media hora coincidindo coa concentración, “comprendemos a difícil situación pola que está a pasar o comercio pero deben ter en conta a degradación do hospital tamén lles vai repercutir nos seus negocios”
A DEMANDA DUN DECRETO DE XESTIÓN INTEGRADA PROPIA PARA A MARIÑA E A DEFENSA DUNHA SANIDADE PÚBLICA, UNIVERSAL E GRATUÍTA NON SE APAGARÁN COA PUBLICACIÓN DO DECRETO PROVINCIAL.
A plataforma puxo sobre aviso “a aqueles que pensen en adormecer coa publicación do decreto provincial a demanda dunha área sanitaria propia para a comarca e a defensa dunha sanidade pública, universal e gratuíta están equivocados, será o punto saída doutras iniciativas e mais mobilizacións”. Neste sentido cualificaron de “xestor provisional” o recentemente nomeado director xerente do Hospital da Costa “contra quen non temos nada no persoal pero si no simbólico”
Dende a plataforma insistiron en que coas medidas que a Xunta e o Partido Popular están adoptando “ráchanse compromisos tanto do Presidente Feijóo como da anterior Conselleira de Sanidade Pilar Farjas para o mantemento da autonomía sanitaria da comarca das que a sociedade mariñá esta tomando boa nota”
Na mesma liña cualificaron como “pequeno movemento de fichas”, o “anuncio trampa de Feijóo para ampliar o hospital non é mais que un intento de apagar lumes que eles mesmos provocaron” pero forma parte dos logros que a demanda social e a mobilización da sociedade lograron nas últimas semanas.
Esta mexicana afincada en Noruega foi a afortunada. Pasaba uns días na vila ribadense, na que aproveitou para facer diversas compras e así foi como se fixo coas rifas para participar no sorteo do Ribadeo Indiano. Ela é de Veracruz, pero non coñecía a Riviera Maya, algo que está a facer agora na compaña do seu dono e da súa filla. Tamén está a aproveitar esta estadía para visitar á súa familia de México, á que levaba moito tempo sen ver. Marisol Morales asegura estar disfrutando moito da cultura, da gastronomía e da paisaxe do país.
Pilar Falcón, xornalista de radio e televisión, académica e doutora en Ciencias da Información, ofreceranos unha formación especializada para que os profesionais aproveiten o poder da súa voz como un recurso crave na comunicación, na divulgación científica e no liderado profesional. Realizarase online ou presencial, o 22 de setembro, de 18:00 a 19:00 horas. Máis información e matrícula gratuíta: 
Sábado e domingo están citadas 25 xogadoras das diferentes Comunidades Autónomas que loitarán polo título estatal nun ambiente cheo de emoción e compañeirismo.
A descuberta da praca culminou unha nutrida axenda de actos de recoñecemento e divulgación do legado de Andrea López Chao que se desenvolveu nos últimos catro anos, da man dun grupo de traballo coordinado por Luis Ansedes. Tras a inauguración, na que particiou a bisneta da homenaxeada, Patricis Ares, estreouse no Auditorio Municipal o documental "Andrea López Chao. O poder de educar" da realizadora hispano cubana Violeta Ramos Valdés. Iria Castro parabenizou "as persoas que participaron no recoñecemento e divulgación da figura de Andrea López Chao, ampliando o coñecemento do seu legado e documentándoo e proxectándoo para as xeracións futuras"
"Zozobra" en palabras do propio autor, Maxi Rodríguez, é unha 'labazada de teatro que axita conciencias'. A cita é este domingo 21 de Setembro ás 20:00h. no Auditorio Municipal con entrada de balde
As delegacións municipais participan neste acto solemne que mantén viva a devoción pola patroa da cidade de Mondoñedo e reforza a unión entre os concellos da contorna. Mariña Gueimunde subliñou que «para Viveiro é unha honra participar nesta celebración tan arraigada que une ás nosas vilas a través da tradición e da cultura». Engadiu que «é fundamental preservar estas manifestacións colectivas que forman parte da nosa identidade e que fortalecen os lazos de fraternidade entre os pobos veciños».
O encargado de dar a saída foi o alcalde, Dani Vega, que estivo acompañado pola concelleira de Igualdade, Begoña Sanjurjo, e pola presidenta de Acisa, Carmen Cruzado. Por diante 21 quilómetros de percorrido por paraxes espectaculares ata chegar á meta na praia das Catedrais. A proba desenvolveuse nunha tarde soleada e moi calorosa.
