Lugo, 21 de marzo de 2013.- O presidente da Xunta, Alberto Núñez Feijóo, eloxiou hoxe, na gala de entrega dos Premios do Deporte Galego, os meritorios triunfos dos nosos deportistas porque, deles, asegurou, aprendemos “a importancia do esforzo colectivo”, “o valor de unión”, e que “nin o éxito nin o fracaso son definitivos”. “Cando competides, Galicia compite con vós; cando tedes un fracaso, Galicia está ao voso lado; cando triunfades, é Galicia tamén a que sube ao podio. Galicia é o voso equipo”, enfatizou.
Na súa intervención, Feijóo recoñeceu que grazas aos éxitos colleitados polos deportistas galegos, “Galicia é hoxe unha potencia deportiva”. “O mérito principal é voso, dos vosos preparadores, dos vosos coidadores e dunha infraestrutura de clubs e federacións que prestan o soporte necesario para o éxito que se colleita”, abondou.
Dos deportistas que hoxe recolleron o seu galardón, Feijóo resaltou a súa capacidade de esforzo e superación. “Todos vós sodes dignos de admiración, pero non soamente polos vosos triunfos; senón porque soubestes facer do revés o primeiro paso cara á vitoria”. O titular do Goberno galego apelou a ese “espírito de loita”, convencido, dixo, de que “está escrito no código xenético da nosa xente”. “Galicia fai de vós uns loitadores e o voso exemplo dille a Galicia cómo hai que dar resposta ás dificultades”, destacou.
Un país de esforzos colectivos que empeza a poñerse en pé
Nesta mesma liña, cualificou a nosa comunidade como “un país de esforzos colectivos”. “Os galegos sabemos unirnos nos momentos importantes para responder a problemas comúns con respostas compartidas”, dixo, para aludir ao espírito de unión e loita que sempre ten amosado o pobo galego. ”Somos un equipo humano que non se rende”, asegurou, “nos diferenza esa enerxía que nos obriga a levantarnos e seguir adiante. Quero dicirvos aquí que, de novo, empezamos a poñernos en pé”, manifestou.
“A nosa non é unha comunidade grande en extensión nin en poboación. Sen embargo, podémola facer grande con tesón e con perseveranza”, insistiu. “Galicia é máis grande cando sabe abrirse, cando non queda ensimesmada, cando sabe aprender dos demais e levarlle aos demais o mellor de nós”, aseverou.
“Galicia é máis grande grazas a eles”
O presidente da Xunta louvou os valores do deporte porque, dixo, “ten a virtude de conservar e renovar”. “A Gala do Deporte Galego depáranos a constatación de que non deixa de haber deportistas que collen a testemuña dos anteriores, nunha carreira de relevos que non ten fin”, enfatizou.
Así, o presidente da Xunta concluíu referíndose aos premiados. Relevistas como Tamara Echegoyen, Sofía Toro, María Victoria Alonso Vilariño, David Cal, Sebastián ‘Chano’ Rodríguez, Suso Morlán, Carlos Cortés e Ana Peleteiro. Igualmente, equipos como o CRAT A Coruña, o Club Deportivo Lugo, a selección de tenis en cadeira de rodas, e o Club de Hockey Barrocás.
Tamén destacou o traballo colectivo de institucións como o Centro Público Integrado Doctor López Suárez de Friol, a Volta Ciclista a España ou a Asociación Galega de Xogo Popular e Tradicional. O labor informativo de xornais como o Faro de Vigo, ou patrocinadores como Mecalia Energy Systems. E, finalmente, mencionou, ademais, os “respaldos institucionais” de organismos como o Concello de Vilalba, o Concello de Tui ou a Cámara de Comercio de Valença.
“Galicia ten en todas estas persoas, equipos e institucións, un espello onde mirarse. Galicia é máis grande grazas a eles”, aseverou, e “será máis grande se o soño de Madrid olímpico se fai realidade. Alí estará Galicia e o deporte galego para demostrar, de novo, que Galicia está en forma”, concluíu.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
