Concepción Burgo, que xa presentou iniciativas neste sentido en varias ocasións nos últimos anos, agradece “o acordo unánime que sempre provoca a Muralla” na Cámara, “aínda que non sempre chegan os resultados” polo que insta ao PP a que lle traslade ao Goberno que “por unha vez se faga realidade nun tempo razoable”.
O PP, antes de votar a favor, presentou unha enmenda para que o Concello de Lugo colabore coa seguridade do monumento, aceptada polos socialistas. “Sempre o fixo e o seguirá a facer, polo que se está aí o problema, non existe”, afirmou a deputada do PSdeG Concepción Burgo.
O PSdeG, a través da súa deputada Concepción Burgo, vén de lograr un acordo unánime de todos os grupos na Comisión de Cultura do Parlamento para que a Xunta arranxe as luminarias do adarve da Muralla de Lugo, Patrimonio da Humanidade, que levan estropeadas desde 2009 e cuxa reparación o Goberno galego leva prometendo desde hai tres anos sen que haxa resultados. Concepción Burgo, que xa presentou iniciativas neste sentido en varias ocasións nos últimos anos –“xa perdín a conta de se foron cinco ou seis”, dixo-, agradeceu “o acordo unánime que sempre provoca a Muralla” na Cámara, peor pediu maior compromiso. Así, instou ao popular Agustín Bahamonde que lle traslade o interés á Xunta e “por unha vez se faga realidade nun tempo razoable”.
Antes de votar a favor da iniciativa socialista, o PP quixo introducir unha enmenda na que lle solicita ao Concello de Lugo que colabore coa seguridade do monumento, que foi aceptada polos socialistas. “Non hai ningún inconveniente en aceptala, porque o Concello de Lugo sempre estivo implicado na vixianza e seguridade do monumento, na súa promoción e mellora do entorno e no pouco que pode facer legalmente, xa que as competencias son totalmente da Xunta. Sempre o fixo e o seguirá a facer, polo que se está aí o problema, non existe”, afirmou Burgo. “O que non poden pretender é que haxa un garda as 24 horas diante de cada luminaria; o mobiliario público, as fontes, as papeleiras… estropéanse lamentablemente e hai vandalismo, e todas as administracións e os concellos asumen a reparación do seu concello ou nas súas competencias”, engadiu.
Un sistema con maior seguridade
A socialista lembrou que a Xunta leva prometendo desde 2011 unha partida anual dun millón de euros “que non se sabe onde están”. Burgo incidiu en que a Muralla “non é un tema local, nin moito menos” xa que “estamos a falar dun monumento único en Europa”, e destacou a “situación preocupante” na que se atopa “cun pésimo efecto para un Patrimonio da Humanidade”. “O pouco que se fixo con este Goberno foi grazas ao continuo impulso da oposición e a presión cidadá en Lugo”, apuntou. Burgo lembrou que a Muralla “ten a peculiaridade de ser un monumento totalmente integrado na vida dos cidadáns, ademais de para os turistas” polo que pediu un proxecto de alumeado cun sistema de maior seguridade e fácil mantemento, ademais de contar co aforro enerxético.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
