Foz, 4 de abril de 2013. O salón de plenos do Concello de Foz acolleu hoxe a xuntanza entre responsables municipais e representantes do sector madeireiro para buscar solucións aos problemas que ocasiona a explotacións dos montes. Acordouse que as pistas danadas pola retirada de madeira nos montes focense serán reparadas cando mellore o tempo, como explicou o concelleiro de Medio Rural, Pedro Fernández Manín, que foi o promotor da reunión e considera que resultou moi interesante.
“Hoxe tivo lugar a reunión cos madeireiros da zona, que tiñamos pendente de facer, e notouse que pola súa parte poñen todo o interese e desde o Concello somos conscientes de que a madeira é unha das fortes explotacións que temos para saír adiante”, explicou Fernández Manín. Na xuntanza participaron tamén o alcalde, Javier Jorge Castiñeira, e a técnica de Medio Ambiente Vanesa Iglesias Sánchez. Por parte dos empresarios estiveron o presidente da Asociación de Madereros da Provincia de Lugo, Santiago Montero, e outros membros do colectivo representando ás empresas Hijos de Ramón Rubal, Maderas Míguez, Maderas Patricio, Maderas Celeiro, Maderas Naciente, Tojeiro Vidal e tamén responsables de Ence Energía y Celulosas SA, de Asturias.
O concelleiro de Medio Rural comentou que “a esta reunión estaban tamén invitadas asociacións Promafoz e Promaval. No caso de Promafoz ía estar o seu secretario, que é o señor Sixto, pero por motivos de traballo non puido estar e pediu que se lle remitan todos os acordos que tomáramos na reunión, o que se vai facer tamén con Promaval”.
Manín destacou que na xuntanza “alcanzáronse algúns compromisos, como levar a cabo totalmente o acordo que estaba firmado co Concello de Foz de reparar as pistas por parte dos madeireiros, pero o mal tempo que houbo nos últimos tempos é o motivo que impide que eles leven a cabo eses traballos, toda vez que se se fixeran nestes momentos sería prexudicial para os camiños e as pistas. Tamén quedamos en facer unha nova xuntanza para formar un equipo de traballo todos xuntos e intentar buscar solucións como son crear zonas para poder botar a madeira e así evitar que estea na beira das pistas e incluso encima das cunetas. Isto foi o que se acordou na reunión de hoxe, que foi moi interesante porque Ence, que non figuraba no convenio feito co Concello de Foz, dixo que aceptaba totalmente o que alí acordamos. Entón para nós foi moi interesante esta xuntanza”.
O concelleiro de Medio Rural engadiu que tamén acordaron que “por parte das asociacións eles van avisar a todos os seus membros para que se cumpra este acordo e por parte do Concello faranse uns bandos, que se colocarán nos sitios de costume, para dicir a tódolos veciños cales son os seus cometidos e as súas responsabilidades nestes casos, pero tamén os dos madeireiros e das empresas que explotan os montes, ao igual que as obrigas que ten o Concello con todos os veciños”.
“Pensamos que a industria da madeira hoxe é unha das máis importantes na zona e debemos transixir algo, pero tamén esixir todo aquilo para evitar prexuízos aos nosos veciños”, rematou Fernández Manín.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
