Enrique Geada.-Parafraseando a Abraham Lincoln:
“Podemos enganar a todos durante algún tempo; podemos enganar a alguén sempre; pero non podemos enganar sempre a todos”.
Quizais os sufridos cidadáns, dirixidos por uns gobernantes ansiosos de conquerir un estado de benestar moi particular (baixo un poder desmedido), “non souberon deterse cando subiamos e agora é máis difícil deterse cando baixamos”.
A este Autobús chamado España, estáselle finalizando o recorrido, e se non se lle arranxan os freos non parará e estrelarase nos acantilados da política (desestructurada socialmente) comandada por Europa.
Hai que arranxar os freos e parar este Autobús mal conducido; basta de enganar para gañar tempo, basta de sobresaltar baixo unha inutilidade manifesta de xuízos a longo prazo, basta de debates estériles, basta de submisión e obediencia a unha política de intereses europeos, controlada por poderes fácticos.
Os freos arránxanse con mecánicos (políticos) que saiban manexar as ferramentas dunha gobernabilidade soberana (non de dependencia exterior, por moi xustificada que esta sexa). Mecánicos (políticos) serios que devolvan ó pobo a dignidade e o respecto, que o reciclen e o fagan autónomo e soberano.
Un Autobús de liberdade e con freos que o controlen, onde non poidan viaxar corruptos, demagogos nin mentireiros.
Un Autobús moderno e solidario sen avarías nin dependencias, conducido pola autovía da convivencia sostida alargando o seu traxecto para poder amortízalo sen que o prazo (de austeridade brutal) o converta en chatarra.
Un Autobús con tarifas axeitadas dentro da proporcionalidade que corresponde a unha sociedade empobrecida.
O tempo esgótase e ponse en evidencia as mentiras interesadas, as cortinas de fume, a incompetencia dos mecánicos (políticos) que tratan de gañar tempo en discusións banais sen ter en conta que un minuto que pasa é irrecuperable; sabendo isto, “como se pode malgastar tantas horas en arranxar as avarías?”.
De seguir así, viaxeiros (cidadáns) deste maltreito Autobús (España), só nos queda encomendarnos ó diaño, pois para Deus non temos crédito.
Enrique (Quique) Geada
Ex -Alcalde
Val do Ouro
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
