BARREIROS (FNC) .- Barreiros celebrará o Día das Letras Galegas cun concerto. Será o domingo ás sete da tarde no centro social de San Cosme. A concelleira de Cultura, Adela Rodríguez, anuncia que “o 17 teremos actuacións musicais coma as que ofrecerán a Coral Polifónica de Barreiros que por primeira vez fará un concerto deste tipo e o Cuarteto de Música Clásica Onur. As dúas agrupacións están dirixidas por Bruno Pedre Otero”. A edil popular agarda que “veña moita xente ver esta actuación dado que vai merecer a pena”.
Adela Rodríguez lembra que “desde a Concellería de Cultura, a OMIX e a biblioteca como todos anos organizamos diversas actividades para celebrar o día das Letras Galegas. Empezamos hai uns días cunha viaxe dos nenos ao Parlamento de Galicia, o Museo de Arte Contemporáneo e o Museo do Pobo Galego, temos aberta unha exposición na OMIX sobre a vida e obra de Ramón Piñeiro e convocamos tamén un concurso de narración e debuxo para os nenos e mozos ata os 16 anos. Foron actos preparatorios que culminarán con este concerto previsto para o domingo”.
ÚLTIMA HORA
- Vilalba inicia a renovación da rede de abastecemento da rúa Cidade de Viveiro
- O CEIP de Cervo participa no encontro final do proxecto estatal “Cada Gota Conta” nos Pireneos
- Ribadeo aposta pola diversidade cunha charla de Arelas sobre realidade trans
- O Concello de Viveiro informa de que este martes, 9 de xuño, producirase un corte no subministro de auga nas zonas das Pallaregas, Barrio do Conexo e Congostras
- O Concello de Viveiro informa de que este martes, 9 de xuño, producirase un corte no subministro de auga nas zonas das Pallaregas, Barrio do Conexo e Congostras
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona. - O colexio Sagrado Corazón, de Ribadeo, celebrou unha cerimonia de graduación para o alumnado que rematou este curso sexto de Educación Infantil, a súa primeira etapa escolar no centro
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción. - Un coro de 400 nenas e nenos de toda Galicia interpretou este veners en Vilalba poemas da Terra Chá no concerto No bico un cantar
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas. - O Concello de El Franco presenta “Conciliando tu verano rural 2026”
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello. - O CEIP Península da Paz, de San Cibrao, celebrará o seu 40 aniversario o martes 9 de xuño ás 17:00 horas nas instalacións do propio centro
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas. - O Bar O Faro de San Cibrao celebrou o pasado sábado, 30 de xuño, o seu décimo aniversario cunha xornada especial que reuniu clientes, amizades e veciñanza
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo. - A sala de exposicións de Regalxunqueira, Viveiro, acolle ata o 30 de xuño a mostra Coma sempre da pintora lucense Carmen Prado, artista autodidacta coñecida pola súa obra centrada na figura feminina
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.
2021 Crónica 3 A Mariña - Implementado por GaliciaDigital