O centro museístico celebra o Día Internacional dos Museos programando actividades para nenos e nenas ao longo de todo o mes.
O calendario de visitas prolongarase mentres continúen os traballos que se executan no xacemento.
Lugo, 25 de abril de 2013.- A Consellería de Cultura, Educación e Ordenación Universitaria, a través do Museo de Viladonga, está organizado visitas guiadas para escolares aos traballos de consolidación arqueolóxica que se están levando a cabo no castro existente no concello de Castro de Rei.
Deste xeito, mentres duren as tarefas que se levan a cabo nas áreas de intervención, ofrecerase aos nenos e nenas a posibilidade de coñecer a historia do castro a través dos labores que se realizan nas construcións incluídas na área de intervención.
O Museo de Viladonga organizou ademais unha completa programación infantil a desenvolver ao longo do mes de maio con motivo da conmemoración, o sábado 18, do Día Internacional dos Museos. Trátase de actividades destinadas a nenos e nenas de ensino infantil e primario, que complementan a difusión e acción didáctica do centro.
Na semana do 13 ao 16 de maio e os días 20 e 21 de mesmo mes, haberá oito sesións de monicreques e catro de ilusionismo. Así, os días 13, 14, 20 e 21, Titirimaña Teatro representará Perico o cangrexo, adaptación do conto do mesmo título da autora Amparo Gómez Cuerpo, con guión, dirección e interpretación de Isabel Gil e Cuca Fernández. Con el pretendese ensinar aos pequenos o coidado da natureza a través dos animais mariños que viven nas pozas da praia.
Este conto faise especial para o público infantil, non só polo que sucede na historia senón tamén polo atractivo do decorado que nos fai viaxar ao fondo mariño. Finalmente, o mércores 15 e o xoves 16 de maio, o Mago Rafa fará un espectáculo de ilusionismo especificamente para nenos.
Das dúas actividades haberá dous pases de 30 minutos de duración cada día; o primeiro comezará ás 10:30 e o segundo ás 11:30. O aforo será de 60 persoas e está destinado a nenos de infantil e 1º e 2º ciclos de primaria, salvo no caso do espectáculo de ilusionismo ao que tamén poderán asistir alumnos do 3º ciclo de primaria. É conveniente que os grupos sexan homoxéneos para poder adaptarse o mellor posible a cada nivel educativo.
O museo está ultimando, ademais, o programa de actos da Noite dos Museos, consolidada polo éxito das sucesivas edicións como cita ineludible para celebrar esta efeméride.
A reserva para concertar as visitas escolares pode realizarse chamando aos teléfonos do Museo -982 314 255 ou 982 314 194- ou ben nos enderezos de correo electrónico museo.viladonga@xunta.es e museo@aaviladonga.es. Así mesmo, o material didáctico do Museo pódese descargar no sitio web www.aaviladonga.es accedendo ás diferentes unidades de traballo a través dos apartados de Actividades e Acción Didáctica.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
