O aspirante á secretaría xeral do PSdeG-PSOE, José Ramón Gómez Besteiro, incidiu esta mañá na posición defendida no último Comité Nacional do partido en Santiago e destacou que estamos “nun momento histórico” porque “por primeira vez un Goberno, o do PP, resígnase e renuncia ao seu proxecto de lexislatura e a saír da crise”. Gómez Besteiro lembra que “Rajoy acaba de dicir que os resultados de creación de emprego van ser nefastos neste mandato, o que supón renunciar explicitamente ao seu proxecto de lexislatura, e en Galicia o presidente Feijóo xa hai tempo que nos ten dito que el non ten competencias activas contra o paro”.
Por tanto, resalta, “atopámonos en Galicia cun presidente que renuncia a un proxecto galego de creación de emprego e en España un presidente do Goberno que renuncia” á lexislatura. “Aos dous úneos a resignación, que é o peor de todo, a renuncia a cambiar as cousas, a saír da crise, e por iso creo que o PSOE é máis importante ca nunca como partido de esquerda e como partido de solucións. Non só de denuncia, senón de solucións, que é o partido no que eu creo”, asegurou. Gómez Besteiro lembrou cifras como os case 300.000 desempregados ou os milleiros de mozos e mozas que deixaron Galicia nos últimos anos. “Evidentemente non se pode dicir que Feijóo equivalla a éxito económico e creación de emprego nin que haxa compromiso para o crecemento desde Galicia”, afirmou.
Sistema de elección interna
En canto ao proceso interno de elección no PSdeG, Gómez Besteiro mostrouse “satisfeito” porque a súa posición “é defender o marco de primarias”. O socialista, que xa se pronunciou e votou a favor deste sistema no anterior Comité, decidiu non participar co seu voto nesta ocasión seguindo a súa máxima de non ser “xuíz e parte”, xa que o que se decidía era a normativa para a elección do secretario xeral. Gómez Besteiro explicou que, do mesmo modo, tampouco acudiu á Executiva celebrada xusto antes do Comité porque defende que “un aspirante non pode participar nunha votación que decida as regras e o marco de xogo” para a elección.
“Como saben, eu no Comité Nacional non votei , aínda que manifestei cal era a miña opinión, porque son aspirante á secretaría xeral e non son un candidato do rumor, por tanto o que non está ben, desde o meu punto de vista, aínda que respecto todas as posicións, é que un candidato se pronuncie sobre o regulamento, sobre as datas, a porcentaxe de avais precisos ou cando debe ser a campaña, porque non me parece serio”, argumentou. “É unha cuestión de ética e por iso non votei, aínda que falei alto e claro no Comité sobre a miña posición, que se basa en que miremos para dentro pero non demasiado adentro, porque temos que implicarnos e solucionar os problemas de fóra”, engadiu.
Primarias
Asimesmo, Besteiro convidou “ao resto de partidos” a sumarse ao sistema de primarias, “porque é máis transparente” e “cando un ten a vontade ou ten a miña postura, que creo que este é un partido de militantes, non hai que ter medo a darlles voz”. “Non entendo que outros partidos non as apoien, porque non hai dúbidas cando os militantes elixen, ao igual que non hai dúbidas cando os cidadáns elixen nunhas eleccións”, afirmou.
O socialista non quixo profundizar na data elixida para as primarias. “É o que elixiu o partido, e eu non vou cuestionar o procedemento e as datas. Sométome ao que diga o meu partido, e como xa dixen que non son un candidato do rumor, xa teño manifestado que vou participar no marco que decida o meu partido”, aseverou, e lembrou o que xa manifestou no pasado Comité, “que este debe ser o derradeiro calendario que se fixe para as primarias”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
