Barreiros, 3 de maio de 2013. Ata 45 baches contabilizou o equipo de goberno de Barreiros na estrada provincial LU-P0610, que discorre pola costa e que é titularidade da Deputación de Lugo. O alcalde, Alfonso Fuente, e o concelleiro e deputado provincial, José Manuel Gómez Puente, así o constataron nas últimas semanas e cualificaron hoxe de vergonzosa esta situación.
O rexedor sinalou que “esta estrada atópase practicamente intransitable. Os condutores teñen que ir esquivando os 45 baches que contabilizamos nela co risco que iso lles pode supoñer a eles, aos ciclistas ou aos viandantes que pasan por esta vía”. Fuente Parga dixo que “as estradas provinciais están sen desbrozar desde hai moito tempo e agora a súa situación agrávase con todos estes furados. O inverno foi moi duro, a estrada é moi transitada durante todo ano polos barreirenses e toca arranxala, que é o que lle demandamos á Deputación Provincial, que se preocupe de ter as vías que son da súa competencia en perfecto estado”.
O alcalde de Barreiros e o concelleiro José Manuel Gómez Puente denuncian tamén “a situación na que se atopa a estrada que vai de Barreiros a Trabada na zona da Insua. Nese treito está destrozada e a Deputación nin fixo rebacheos nin nada nela e os veciños estanse a queixar un día si e outro tamén do estado da mesma”.
Fuente Parga indicou que “nós desde o Concello estamos a facer traballos de mantemento nas estradas locais e consideramos que de xeito urxente a Deputación de Lugo ten que facer o mesmo. Xa tivemos que aguantar durante meses que non desbrozasen nada e tamén a presenza de todos estes furados, polo que vai sendo hora de que a institución provincial tome cartas no asunto”.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
