Nos vindeiros días remitirase á Xunta o expediente para tramitar a correspondente autorización.
Beatriz Piñeiro e Manuel Fernández Valle son cautos sobre a fixación de prazos.
Burela, 9 de maio de 2013. O prazo de exposición pública do anteproxecto de construción duns vestiarios e servizos no campo de herba artificial da Marosa rematou o pasado luns, día seis de maio, sen que se teña recibido ningunha alegación ó mesmo, segundo anunciaron hoxe a concelleira de Deportes Beatriz Piñeiro e o concelleiro de Obras Manuel Fernández Valle.
Segundo indicaron os dous edís, “logo da aprobación do anteproxecto pola xunta de goberno local, este era o paso seguinte na tramitación do expediente. Agora, toca pechar a documentación no Concello para enviala á Xunta de Galicia, concretamente á Consellería de Medio Ambiente, para que informe se procede ou non conceder a pertinente autorización para a realización desta obra, que entendemos como complemento ás instalación xa existentes”.
De todos os xeitos, Piñeiro e Valle matizaron que “o solo onde se pretende ubicar esta dotación complementaria é solo rústico de protección de costas, e os usos do mesmo son moi limitados, polo que a tramitación pode ser complexa e algo prolongada no tempo”.
Os edís de Deportes e de Obras indicaron que “non se pode fixar ningún tipo de prazo, temos que ser moi cautos. O que hai que facer é un bo traballo, ou sexa, elaborar o expediente con moito detemento e precisión”. E precisaron que “o expediente será enviado á Xunta dentro deste mesmo mes”. O investimento previsto é de cen mil euros, “que non imos executar sen ter as debidas autorizacións da Xunta de Galicia”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
