– A Vicepresidenta Segunda da Deputación e a presidenta do colectivo organizador presentaron a programación, que ten como principal novidade este ano un campionato de surf na praia de Fontela-Balea entre 25 deportistas mariñanos.
– Alumnos e bolseiros da Escola de Imaxe e Son de Lugo realizarán un DVD coa gravación de todas as actividades para difundir a iniciativa e completar a súa formación con prácticas reais de cara á súa futura inserción laboral.
A Vicepresidenta Segunda da Deputación de Lugo, Lara Méndez, e a presidenta de North Shore Surf Club, Fátima López, presentaron este sábado na praia de Fontela Balea, en Barreiros, a nova programación de actividades lúdicas e medioambientais que esta asociación realizará ó longo dos meses de verán nas praias do municipio. Por segundo ano consecutivo, a Deputación e a Fundación TIC, dependente do organismo lugués, prestan a súa colaboración a esta iniciativa.
A institución provincial achega diferente material tecnolóxico, a través do proxecto Innova-TE, para sortear entre todos os que participen nesta campaña, e, pola súa banda, a Fundación TIC dará cobertura audiovisual ás actividades grazas ó traballo de alumnos e bolseiros da Escola de Imaxe e Son, que recollerán coas súas cámaras todo o que aconteza nos areais para realizar un DVD con todo o material audiovisual. Deste xeito, contribuirán á difusión da iniciativa e completarán a súa formación con prácticas reais de cara á súa futura inserción laboral.
Deporte e medio ambiente
A principal novidade desta tempada é a celebración na praia de Fontela-Balea, coñecida popularmente como Oliñas, dun campionato de surf no que participarán 25 deportistas desta modalidade seleccionados pola organización. Co MCT (Mariña Championship Tour), o primeiro destas características que terá lugar na Costa lucense, arrancan as actividades o vindeiro sábado, día 18.
Despois do éxito acadado o ano pasado, o sábado día 22 de xuño está previsto levar a cabo unha nova limpeza dos areais do municipio de Barreiros. Na campaña anterior, participaron 70 voluntarios, que lograron retirar máis de 500 quilos de lixo. O obxectivo é concienciar a todas as persoas da necesidade de reciclar e evitar as consecuencias que teñen para o medio ambiente os residuos e vertidos incontrolados nas praias.
No mes de xullo, o día 25, terá lugar o segundo Anticampionato de surf, unha idea que xurdiu co fin de gozar da práctica deste deporte, sen sentir a presión dunha competición. Trátase de facer o contrario do que se fai nun campionato, polo que se premiará a mellor caída, e mesmo a indumentaria máis orixinal.
A praia de Lóngara acollerá o día 15 de agosto o III Mercadillo de Surf, onde se poderá vender e mercar todo tipo de material de segunda man, ó aire libre.
A II Remada Popular porá fin á campaña deste ano, o día 25 de agosto, nas modalidades de bodyboard, shortboard e longboard. A competición consistirá na colocación de tres boias no mar durante unha travesía a remo, dende a praia de Lóngara. A proba divídese en varias categorías, dependendo da idade do participante e do tipo de táboa utilizada.
O labor sociocultural da TIC
A Fundación TIC apoia a máis de 120 asociacións sen ánimo de lucro da provincia e mantén contratos con 70 empresas nacionais do sector multimedia. O principal obxectivo destes acordos é proporcionar experiencia laboral ós alumnos e titulados da Escola de Imaxe e Son de Lugo, o único centro da provincia que imparte ciclos da familia do audiovisual, para que poidan acceder con máis facilidade a postos de traballo no sector. Entre as organizacións coas que colabora a Fundación TIC figuran ONGs e asociacións culturais para apoiar o seu labor social e impulsar a inserción laboral de persoas con discapacidade; entidades deportivas, que promoven o deporte base; así como empresas que fomentan o emprego das novas tecnoloxías no tecido industrial da provincia.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
