O PP de Mondoñedo mantén a súa fronte á veciña, Elena Candia, que desenvolve a súa labor como presidenta da formación dende o ano 2008.
A popular manifestou a súa “ilusión” por poder continuar con esta andaina na que “me acompaño dunha agrupación representativa dos sectores locais e das diferentes parroquias, e que traballa e cre que Mondoñedo ten futuro”.
Durante o congreso, Elena Candia recibiu o respaldo do presidente provincial e portavoz do Grupo Popular no Senado, Jose Manuel Barreiro e outros cargos públicos da provincia.
Lugo, 11 de maio de 2013.- Os afiliados do Partido Popular de Mondoñedo manteñen á fronte da agrupación na localidade a súa veciña Elena Candia, que desenvolve esta labor como presidenta da formación dende o último congreso local, celebrado no ano 2008.
Durante o congreso, Elena Candia contou coa presenza do presidente provincial e portavoz do Grupo Popular no Senado, Jose Manuel Barreiro, do secretario xeral provincial e secretario do Parlamento galego Jose Manuel Balseiro, dos deputados nacionais Olga Iglesias e Joaquín García Díez, do senador Dámaso López, do deputado autonómico Vidal Martínez-Sierra, do subdelegado do Goberno, Ramón Carballo e dos deputados provinciais, Jose Pardo, Jesús Novo e Jose Manuel Gómez Puente así como tamén do subdirector xeral de Prevención e Defensa de Incendios Forestais, Miguel Cela.
No seu discurso, Elena Candia asegurou que asume a súa reelección “coa responsabilidade” que supón traballar a prol do fortalecemento do partido e da dinamización da localidade. A popular manifestou que continua “coa mesma ou incluso maior ilusión que cando comecei no PP local”, durante unha andaina na que asegura acompañarse “dunha agrupación que considero representativa dos sectores locais e das diferentes parroquias, que traballan e cren que Mondoñedo ten futuro”.
A popular tamén tivo palabras de agradecemento para a dedicación de cada unha das persoas que integraron o comité durante estes últimos anos e que manifestaron o seu compromiso de “loita polos intereses locais, atendendo ás demandas trasladadas polos veciños”.
Comité Executivo de Mondoñedo
No comité que preside Elena Candia, figuran os nomes dos concelleiros do PP na localidade: Ramón García Geada, José Otero Rejes, Aida Basanta Basanta e Mª Teresa Freire Sánchez. Tamén o completan Manuel Otero Legide, Jesus Meilán García, Mª Ángeles Rodríguez Rico, Juan Alfonso Cancela Castro, Guillermo Redondas Vallejo, Miguel Ángel González Veiga e Amador Ángel Guerra Ramil.
No seu grupo de traballo, a presidenta dos populares reflexa a importancia de tres áreas como son industria e turismo, á fronte da que se atopa Manuel Tapia Rivera; en Deporte, Ramiro Chao Rego; e en xuventude, co mozo Marcos Muruais García, á cabeza.
De igual maneira, Elena Candia nomeu representantes do PP nas parroquias mindonienses, que servirán de contacto entre o partido e o rural co obxecto de ser coñecedores das demandas dos veciños das aldeas. Así, están Daniel Paz Outumuru, en Masma, Coubeira e Viloalle; Gervasia Cabana Eiras, nos Remedios; e Ramón Díaz Barreira; e en Lindín-Argomoso. Mentres que en Santa María Maior estará Irma Iglesias Pérez; en Oirán, Luís Otero Pena; en parroquia Santiago, Arturo Pumariño González; en Sasdónigas; en Figueiras, Sonia Fernández Cillero; San Vicente, María Amparo Anello Gil e en Vilamor, Sonia Lorigados Nogueira.
Formación e experiencia política
Elena Candia López é natural da parroquia do Carme, en Mondoñedo. Licenciada en Dereito, traballa dende o ano 2005 no sector asegurador.
Afiliada ao Partido Popular dende o ano 2004, foi edil de Servizos Sociais e emprego en Mondoñedo ata o ano 2003. Actualmente é concelleira neste Corporación. Con Elena Candia á fronte, o PP local foi a forza máis votada con diferenza nas últimas eleccións locais, incrementando o seu respaldo electoral en cada un dos comicios.
A súa traxectoria política en alza, froito dun traballo rigoroso e implicado, levouna a responsabilizarse da portavocía do PP na Deputación de Lugo, tras a súa elección como deputada provincial polo Partido Xudicial de Mondoñedo (A Mariña) en 2011. Asemade, dende o punto de vista orgánico é responsable dunha das catro vicesecretarías do PP de Lugo dende o último congreso provincial celebrado en marzo, no que resultou reelixido José Manuel Barreiro como líder dos populares lucenses.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
