O alcalde, José María González Barcia, felicitou á asociación As Encaixeiras pola organización do evento, aludiu á súa vinculación co mundo marineiro e dixo que palillando poténcianse as relacións sociais. Para o rexedor esta fin de semana é a festa da muller en Burela dado que onte tivo lugar a inauguración da exposición de traballos dos cursos de tempo libre do CIM, nos que participaron 200 mulleres; hoxe máis de 600 mulleres asisten a este encontro de palilleiras e esta tarde as xogadoras do Burela FS poden converterse en campionas de liga. Gonzalez Barcia dixo que hoxe é un día moi importante e especial para Burela e engadiu que o Concello seguirá a colaborar coas Encaixeiras e que a Fundación Expomar organizará con elas o vindeiro ano este encontro.
Inauguración do VII Encontro de Palilleiras de Burela
Relacionado
-
O restaurante El Oviedo de Ribadeo retoma o seu ciclo cultural cunha velada de música e gastronomía o venres 19 de xuño
-
Pastoriza celebrou con éxito este venres a segunda edición da Festa da Xuventude, que reuniu unhas 230 persoas nunha cea popular seguida dunha animada verbena con actuacións locais
-
Ducias de persoas participaron este sábado na II Andaina Ribadeo en marcha contra o cancro, organizada pola AECC. A saída tivo no parque de San Francisco e seguiu pola rúa Villafranca del Bierzo, Avenida Calvo Sotelo ata a Illa Pancha e volta ao punto inicial
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
