Cervo, 21 de maio de 2013.- Preto dun 10% das empresas distinguidas coa Q de Calidade Turística do Instituto para a Calidade Turística Española (ICTE) en Galicia están na comarca da Mariña. Así o destacou hoxe a delegada territorial, Raquel Arias, nunha xuntanza con representantes do sector turístico e dos concellos mariñaos na que explicou os distintos programas de axuda postos en marcha pola Xunta neste ámbito.
Arias informou de que a Axencia Turismo de Galicia inviste 1,5 millóns de euros en cinco liñas de actuación dirixidas aos axentes turísticos “coas que a Xunta busca apostar pola innovación e pola excelencia como factores diferenciais para competir no mercado turístico”.
Así, entre as convocatorias que están abertas neste momento, destacou a destinada á modernización e mellora de instalacións en hoteis, restaurantes, albergues turísticos e empresas de servizos turísticos complementarios. A axuda pode chegar a cubrir o 40% do investimento subvencionable.
Igualmente, a Xunta subvenciona ás empresas turísticas interesadas ata o 75% dos custos relativos aos procesos de certificación, seguimento e/ou renovación do sistema de Q de Calidade Turística, así como os derivados dos dereitos de uso da marca. Os concellos tamén están en prazo para solicitar subvencións para o apoio, a promoción e a difusión de Festas declaradas de Interese Turístico de Galicia, que son un importante reclamo turístico.
Por último, Turismo de Galicia axuda ás axencias de viaxes que comercialicen e promocionen o destino Galicia a través da creación de paquetes turísticos, e ás entidades privadas interesadas en introducir servizos turísticos complementarios.
Con todo elo, apuntou Arias, “a Xunta de Galicia demostra o seu esforzo polo progreso do sector, incentivando a creación de novos produtos e a mellora dos servizos e instalacións que configuran a nosa oferta turística”.
Arias explica que a Xunta está a traballar para ordenar a oferta turística de Galicia baixo un selo único e avalada pola excelencia turística como elemento diferenciador, de aí que “se realice un importante esforzo inversor para axudar ao sector a camiñar nesta dirección”, segundo afirmou.
Na reunión participaron tamén o presidente da Mancomunidade de Municipios da Mariña e alcalde de Barreiros, Alfonso Fuente Parga, o vicepresidente da Fegamp e alcalde de Cervo, Alfonso Villares, así como representantes e empresarios do sector turístico da zona. Neste foro, a delegada sinalou que “o papel clave que ten o turismo aquí, e a importancia de incrementar e mellorar as dotacións e os servizos para presentar unha oferta competitiva”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
