Foz, 24 de maio de 2013. O alcalde de Foz, o popular Javier Jorge Castiñeira, fixo hoxe unha valoración moi positiva das comisións informativas municipais celebradas na tarde noite de onte porque serviron para avanzar en asuntos importantes como a ordenanza de terrazas e o recoñecemento extraxudicial pagar facturas a provedores.
Javier Castiñeira manifestou esta mañá que “despois das comisións de asuntos de pleno e de economía que tivemos onte os representantes do Concello de Foz a valoración do grupo de goberno é moi positiva, porque creo que se avanzou en varios asuntos pendentes importantes que se trataron nestas comisións e que xa analizáramos previamente na xunta de portavoces. O clima foi moi bo, moi interesante e moi produtivo, polo que felicito a todos os grupos”.
“Principalmente eu creo que estamos a punto de sacar a ordenanza de terrazas para os establecementos de hostalería, tan importante para o Concello de Foz previamente a unhas fechas estivais nas que é necesario ter unha ordenanza de acordo ás esixencias que ten que ter un pobo turístico coma Foz. Creo que hai un gran avance por parte de todos os grupos políticos, traballouse nunha serie de modificacións nas que todos estamos de acordo”, explicou o rexedor municipal.
Por outro lado, Castiñeira considera que “tamén se avanzou no recoñecemento extraxudicial que vai ir ao pleno deste mes para poder pagar aos provedores os 390.000 euros que hai de facturas do ano pasado: 220.000 euros das que quedaron fóra de contabilidade e outros 170.000 euros das que chegaron neste ano 2013 pero son do 2012. A este respecto hai que recordar que o Concello de Foz ten un aforro neto duns 490.000 euros. O resultado segue sendo moi positivo e conseguiuse tamén rebaixar dos 500.000 euros que se viñan arrastrando de sucesivos recoñecementos extraxudiciais a 390.000 este ano, que o exercicio máis difícil economicamente que está tendo o Concello xunto co ano pasado”.
Despois das reunións de onte o alcalde tamén é optimista “en canto á aprobación da actualización da ordenanza pola cobertura dos servizos de axuda a domicilio para a dependencia, coa intención de adaptarnos á lei da Xunta de Galicia, o que é fundamental posto que senón poderíamos perder o financiamento da administración autonómica, que cubre a maior parte do custo. Este servizo afecta a 55 dependentes de Foz que están recibindo ao ano 28.800 horas de servizo. Polo tanto deberíamos ser responsables, eu creo que así o vai facer o pleno, e sacar para adiante esta actualización da ordenanza”.
Por todo isto Castiñeira destaca “o bo clima que houbo nas comisións, que resultaron moi construtivas e produtivas, e espero que no pleno do día 30 saquemos para diante cousas importantes de Foz”.
A sesión plenaria de carácter ordinario que celebrará a corporación municipal focense o vindeiro xoves está convocada para as oito e media da tarde.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
