Mondoñedo, 24 de maio de 2013- A voceira do Partido Popular de Mondoñedo, Elena Candia, asegurou esta mañá que “é evidente o desinterese do goberno municipal na tramitación do PXOM na localidade, sendo unha ferramenta indispensable para Mondoñedo, sobre todo no rural”.
As afirmacións vertidas por Candia responden a unha actitude de “deixadez” de funcións do equipo de goberno que lidera o nacionalista, Orlando González. Os populares achácanlle ao bipartito mindoniense que non dea resposta aos requirimentos enviados pola Xunta de Galicia nos que solicitan a documentación completa do Plan Xeral de Ordenación Municipal, co único obxecto de poder emitir unha resposta favorable sobre a correcta integración de todos os aspectos ambientais esixibles.
A voceira popular explica que a Consellería competente viuse na obriga de reiterar o pasado 21 de maio un escrito, trasladado ao concello en decembro de 2012, ao non obter resposta ao respecto e no que lle solicitaba ao Concello de Mondoñedo a documentación completa do Plan, unha vez integradas todas as consideracións expostas pola administración autonómica.
Esta feito leva aos populares a esixirlle de novo ao bipartito unha actitude “construtiva e responsable”, evitando que “novos erros e a deixadez de funcións continúen a ralentizar que o PXOM sexa unha realidade”.
A voceira popular asegura que “as preocupacións do equipo de goberno distan bastante das preocupacións dos mindonienses e as actitudes que reflexan son mostras claras de tal afirmación”. Coñecedores dos problemas que xera a non existencia desta ferramenta indispensable, sobre todo no rural, os populares esíxenlle ao bipartito unha actitude “construtiva e responsable”, evitando que “novos erros e a deixadez de funcións do equipo de goberno ralenticen que o PXOM sexa unha realidade”
Erros do bipartito
Elena Candia lembra que o equipo de goberno se comprometera no mes de agosto a someter a pleno a aprobación provincial do PXOM, unha responsabilidade que se viu na obriga de incumprir por un erro claro dun bipartito que non solicitou en tempo e forma a tramitación de avaliación ambiental estratéxica, un requisito indispensable.
Dada esta situación, o alcalde mindoniense que contaba no seu poder co Plan dende o ano 2010, atrasou o sometemento a aprobación provisional do PXOM e tras unha proposta do Grupo Popular local, remitiu con data 3 de outubro de 2012 á Xunta de Galicia un oficio no que solicitaba a declaración de inviabilidade de sometemento do Plan Xeral de Ordenación Municipal ao procedemento de avaliación ambiental.
A Xunta de Galicia tras estudar a documentación aportada do Plan requiriron ao concello, a través dun escrito con data 5 de novembro de 2012, e que entra no consistorio o 19 de decembro, a documentación completa do Plan, unha vez integradas todas as consideracións expostas pola administración autonómica, para que o órgano competente da Xunta de Galicia emita o correspondente informe favorable sobre a súa correcta integración.
Dado a non resposta do bipartito tras cinco meses de recibir este requirimento, a Xunta de Galicia viuse de novo obrigada a reiterar esta petición neste mes, que polo momento non foi resolta polo PSOE e o BNG de Mondoñedo.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
