Voluntarios de Alcoa acondicionan o terreo para a ruta de sendeirismo da Costa de Xove

Voluntarios de Alcoa San Cibrao limpan e acondicionan mañá os sendeiros e miradores da franxa de terreo pola que discorrerá a nova ruta de sendeirismo Costa de Xove. A Asociación Cultural-Deportiva “Xove”, promotora desta iniciativa, recibe ademais 3.000 dólares da Fundación Alcoa.

A franxa de terreo que se habilitará terá 21 quilómetros de lonxitude e facilitará o disfrute da costa xovense como atractivo turístico local. Os seus escarpados acantilados con altas verticais á auga e inmensas rocas graníticas son únicos na comarca. Entre as súas paraxes, destacan a ensenada de Coído, Punta A Mansa e o Cabo Morás, próximo ó porto do complexo industrial de Alcoa.

O grupo de sendeirismo da Asociación Cultural-Deportiva Xove, bon coñecedor da beleza natural e medioambiental desta costa, impulsou a creación da ruta de sendeirismo, co respaldo do Concello da localidade, que aporta tamén maquinaria e persoal para o desbroce das sendas.

Sendeiristas, ciclistas e pescadores deportivos serán os principais usuarios da nova ruta, que facilitará ademais a actividade dos distintos servizos de vixilancia costeira.

Fundación Alcoa susténtase dos seus propios activos financieiros e non dos beneficios de Alcoa. O seu principal obxectivo é mellorar a calidade de vida nas comunidades nas que a compañía está presente. Alcoa promove e respalda o voluntariado solidario e a acción social na comunidade dos seus empregados, para o que conta con programas específicos, os plans Acción e Bravo.

Limpeza ruta senderismo Costa Xove
Data: 30 de maio de 2013, ás 16:00 h.
Lugar/punto de encontro: Centro Cívico de Xove.