Juan J. Rivas.- Dende o Partido Popular de Foz queremos saír ao paso das críticas vertidas polo PSOE sobre a xestión do equipo de goberno nestes dous anos de mandato.
Pecan estes señores da crítica fácil: os do PP non fixeron isto, non fixeron isto outro ou o de máis alá. E, coma os nenos pequenos, usan a pataleta e a rabieta como ferramenta de comunicación para que se lles escoite, pero non se dan conta de que canto máis berran menos se oen … E menos se escoitan. As súas declaracións, que rozan a actitude chulesca, están cheas de hipocrisía e prepotencia. Tal é así que nin teñen a decencia, antes de falar, de mirar un pouco máis para a xestión que eles mesmos levaron a cabo ao longo dos máis de tres lustros de goberno, antes de criticar o que fan os demais.
Porque, señores do PSOE, nos 16 anos que mangonearon este concello ao seu antollo, estes dezaseis anos si que deron e aínda dan que falar. As súas andanzas son tales que se poderían encher páxinas e máis páxinas dun libro que relatara a vida municipal nos anos de goberno a golpe de decreto como si fóramos unha república bananeira, un libro que ben se podería titular: “A sombra de seis millóns de euros”….
Porque …. ¿onde se gastaron eses seis millóns de euros que se recadaron polas licencias de obras? A título informativo, e por se non o lembran, deses cartos as xentes de Foz non viron nin a goma de suxeitalos …. Eses cartos fundíronos vostedes en catro anos a razón de 1.5 millóns de euros ao ano. E se a esa morea de euros lles engadimos os presupostos oficiais de cada ano, case que 25 millóns de euros, pois xa poden imaxinar onde nos poñemos … E para colmo de tódolos males vostedes, señores do PSOE, foron tan previsores que nin tan sequera pagaron as facturas dos provedores. ¿Pódese ser tan rastreiro e ruín para ter cartos no caixón e non pagar as débedas? E a aínda máis: ¡Nin sequera chegaron a pensar que poderían ter que devolvelos se os contenciosos interpostos así o ditaran! Iso si, para grandes problemas, grandes solucións, e por arte de maxia resolveron o problema: ese millón e medio de euros de facturas sen pagar aos provedores quedaron metidas nun caixón para os que entraron detrás … A grandes problemas, grandes solucións.
Se o PSOE mirara un pouco máis alá do seu embigo podería ver que o actual equipo de goberno, contra vento e marea, está loitando e traballando por sacar adiante un concello que se atoparon sen cartos, está loitando e traballando para recuperar o crédito e a confianza dos focenses nas institucións, está loitando e traballando coa axuda da súa propia xente porque, todo hai que dicilo, vostedes, señores do PSOE, non botan una man nin para pechar a porta aínda que a vostedes mesmos lles entre o frío, para sacar adiante un concello cunha herdanza dos seus dirixentes de descrédito e de dilapidación.
Por desgraza, despois de dezaseis anos de desgoberno, o grupo municipal de Partido Popular atopouse cun concello totalmente desarborado, todo manga por ombro, e co agravante de ter ao grupo do NON como compañeiros de viaxe: non ao emprazamento da EDAR, non aos presupostos, non ao plan de pago aos provedores, non a …. a todo. E sen embargo, despois de dous anos de goberno reducindo os gastos ao mínimo e administrando os cartos que chegan da Xunta, o Concello de Foz está saíndo adiante.
Entendemos que faltan moitas cousas por facer, moito por andar, pero sendo claros, dicindo a verdade e dando a cara nestes tempos de aperturas, neste tempos de crise que nos tocou vivir, vamos sacar este concello adiante e devolvelo ao lugar que lle corresponde, un sitio que abandonou empuxado pola paupérrima xestión do goberno do PSOE ao longo dos dezaseis interminables anos de travesía polo deserto.
Juan J. Rivas
Secretario Xeral
Partido Popular de Foz
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
