Representantes da Mesa de seguimento da crise en Mondoñedo e comarca, integrantes da plataforma Comarca de Mondoñedo unida, hostaleiros e artesáns da Cidade do Masma mantiveron encontros con responsables do Consorcio de Turismo da Ribeira Sacra, Asociación Ribeira Sacra Rural (que agrupa a corenta casas rurais da zona) e do Consello Regulador da Denominación de Orixe Ribeira Sacra.
A delegación mindoniense chegou a media mañá ao municipio de O Saviñao, onde visitou a adega Abadía da Cova e a área paisaxística do Cabo do mundo. Xa ao mediodía acudiron ao Centro do Viño da Ribeira Sacra para visitar o museo do viño que ofrece unha visión de conxunto de aspectos agrarios, históricos e etnográficos da comarca, alí mesmo compartiron un xantar de traballo co presidente do Consello Regulador, José Manuel Rodríguez e a presidenta da Asociación que promociona o Camiño de Santiago de Inverno, Aida Menéndez, quen comprometeu a súa participación e a de membros da súa asociación nas VI xornadas do peregrino que se celebrarán en A Mariña a primeira fin de semana do mes de xullo.
Os encontros continuaron en sesión de tarde en Doade, onde se encontraron con directivos da asociación Ribeira Sacra Rural que aglutina a corenta casas rurais da Ribeira Sacra tanto luguesa coma ourensá, na reunión tamén estaban presentes representantes do Consorcio de Turismo. Neste encontro decidiron crear un grupo de traballo mixto para a creación de paquetes turísticos nos que se oferten servizos de ámbalas dúas zonas e a promoción de produtos propios de cada lugar.
Pola parte mindoniense estiveron presentes Elena Candia e José Luís Fernández Ansedes, en representación da Comisión de seguimento da crise en Mondoñedo e a súa comarca; Jesús Chao, Ángel Marful e Fran Bouso, por parte da Plataforma Comarca de Mondoñedo unida, Manuel Tapia, como representante de ACIAM e Waldo González, Guillermo Redondas e Covadonga Ares como hostaleiros e artesáns.
A celebración está organizada pola asociación cultural Ourofest coa colaboración do Concello do Valadouro e conta co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
