Lugo, 12 de xuño de 2013.- A Delegación Territorial da Xunta en Lugo desenvolveu hoxe con éxito un simulacro de evacuación dun incendio co obxectivo de probar as instalacións en materia de prevención, logrando desaloxar a máis de 800 persoas nun tempo de menos de tres minutos e medio, cumprindo así coa normativa que obriga á realización deste tipo de exercicios.
O exercicio, organizado polo Servizo de Prevención de Riscos Laborais, consistiu na simulación dun incendio que deu comezo sobre as 10.07 horas da mañá co son da serea de alarma que percorreu a sede da Delegación Territorial. Os funcionarios e os usuarios que se atopaban nese momento no interior do mesmo saíron polas escaleiras ata abandonar de forma ordenada o edificio.
A delegada territorial, Raquel Arias, explicou que a realización do simulacro responde á normativa en materia de prevención e que todo transcorreu sen incidentes. “O máis importante é preservar a seguridade, por iso fixemos este simulacro de evacuación”, dixo a responsable da Xunta en Lugo; “o desenvolvemento do exercicio foi un éxito e amosa que se sucede algo estaríamos preparados para afrontalo”, engadiu.
O suposto incendio orixinouse, de forma ficticia, nunha das salas de reunións da segunda planta do edificio da Ronda da Muralla. De inmediato decretouse a activación do Plan de Emerxencia Xeral, que supón a evacuación total do edificio.
Como consecuencia destes feitos, arredor de 600 traballadores e máis de 200 usuarias e usuarios que neses momentos se atopaban nas instalacións tiveron que abandonar as cinco plantas e dos garaxes do edificio. En concreto, o tempo de evacuación foi de 3 minutos e 13 segundos.
Para executar esta manobra, os bombeiros, que acudiron con tres vehículos motobomba ata a explanada do edificio da Ronda da Muralla en sete minutos dende que recibiron a chamada, comprobaron o desaloxo total das plantas e colaboraron co desaloxo das persoas que presentaban mobilidade reducida. Ata a zona, desprazouse unha ambulancia do 061, que procedeu á evacuación dun suposto afectado por inhalación de fume.
Así mesmo, a Policía Autonómica, con dúas dotacións de catro persoas cada unha, e a Policía Local, con outras dúas dotacións, tamén participaron no exercicio, e garantiron a orde na zona. Por último, ata o lugar tamén se desprazaron efectivos do servizo de Protección Civil.
Para levar a cabo este simulacro os funcionarios recibiron unhas charlas formativas durante tres días e varios deles, 95 en total, foron voluntarios e observadores converténdose nos responsables dos seus compañeiros en cada planta, guiándoos e dándolles as instrucións precisas para que abandonasen ordenadamente o edificio.
Logo, os voluntarios, que levaban un chaleco reflectante, comprobaron que cada planta se encontraba completamente baleira e pecharon ventás e portas. A delegada territorial agradeceu aos traballadores, aos voluntarios e aos propios usuarios e usuarias que nese momento se atopaban no edificio a súa colaboración neste simulacro de evacuación.
Por último, Raquel Arias fixo extensivo o agradecemento da Xunta de Galicia aos membros dos Bombeiros de Lugo, do 061, dos membros da Policía Nacional, Policía Autonómica e Policía Local, ao 112 e a Protección Civil pola súa colaboración “para que este exercicio fora todo un éxito e para que esteamos preparados de cara aos incidentes que poidan acontecer”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
