Lugo, a 13 de xuño de 2013. A II Festa Castrexa que se celebrará en Burela o vindeiro sábado día seis de xullo foi presentada hoxe en Lugo polo alcalde burelés, José María González Barcia, e o presidente da ACIA local, Pedro Fraga, que estiveron arroupados por outras persoas como o patrón maior da Confraría, Basilio Otero; o presidente de ABSA, Abelardo Basanta; os concelleiros de Turismo e Comercio, Mónica Pedre e José Casas; o músico Xan Carballal, ou o creativo Luis López.
Na presentación, que tivo lugar na Parrillada Antonio de Lugo, o alcalde agradeceu a colaboración da Vicepresidencia Primeira da Deputación Provincial, que personificou en Antonio Veiga; e sobre de todo recoñeceulle ós membros da directiva da ACIA o enorme esforzo e traballo que levan a cabo para poder facer realidade a festa. Logo, engadiu: “o Concello colabora económicamente e cos nosos recursos humanos e materiais, pero sen a directiva pouco se podería facer. Teño que recoñecer tamén, e aplaudir, a participación activa de establecementos comerciais, para que Burela eses días sexa máis castrexa ca nunca. Igualmente, un agradecemento especial á confraría de pescadores sempre disposta a potenciar o nome de Burela”.
José María González Barcia sinalou que “a Festa Castrexa pretender ser un recoñecemento cultural e festivo ás orixes históricsa do pobo no que vivimos. Por eso se organizan actividades culturais e por iso se fai a festa en sí”.
“Se o ano pasado, tendo en conta que era a primeira edición, se limitou a unha conferencia sobre a cultura castrexa, este ano vai haber máis actividades culturais propiamente ditas, incluídas as musicais; de aí que estea aquí Xan Carballal. Estas actividades están moi avanzadas, aínda que falta pechar o seu calendario. Polo tanto serán obxecto dunha presentación posterior, pero avanzamos que terán un compoñente histórico, tanto desde a parte musical como desde a parte de publicación e conferencia”, engadiu o alcalde burelés.
Desde unha perspectiva cultural, “aspiramos a que a Festa Castrexa se vaia convertendo, pouco a pouco, sen presa, nunha cita obrigada para expoñer os traballos divulgativos ou de investigación sobre todo o que ten que ver coa cultura castrexa. Sabemos que non é doado, dada a escaseza de documentación, pero temos a obriga de inténtalo”, indicou Barcia.
Desde un punto de vista turístico, González Barcia manifestou que “a nosa intención, e coincide coa de ACIA, é colocar plenamente a Festa Castrexa como referente no mapa turístico provincial. Somos conscientes de que este tipo de eventos cada vez concentran maior número de persoas, o que inevitablemente ten que contribuír a dinamizar o tecido socioeconómico da vila”.
Finalmente, o alcalde, que dixo que el ía volver a ser castrexo coma na edición anterior, e logo de expresar o desexo de que o tempo axude, animou “a todos os veciños e veciñas de Burela a participar de forma activa. Tamén animo ós castrexos mariñanos, ós romanos de Lucus Augusti; mesmo ós ártabros e brigantinos, que coñecen ven ós castrexos bureleses, que se animen, e que veñan a Burela a unha Festa que procura difusión cultural, divertirse e servir de irmandade entre os distintos clans e familias desta Galaecia que a todo nos une”.
Conc
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
