Preto de 20 veciños fixeron o camiño dende Trasbar ata o San Antonio da Rigueira o 13 de xuño partindo do local social ás dez da mañá. Os camiñantes fixeron a ruta Castelo – Trasbar – A Rigueira onde selaron as súas credenciais, recolleron a ventura e unha flor de lirio para ofrecer ó San Antonio. Despois da misa participaron na sesión vermú e, posteriormente, trasladáronse ó centro social, xunto ó resto do grupo que tamén os acompañou en coche, para xantar debido a que o tempo non acompañou para facelo nas inmediacións da igrexa. Dende a Asociación de veciños do Burgo de Trasbar agradecen a todas as persoas que participaron nesta actividade e animan a seguir participando en vindeiras ocasións. De feito, consideraron que esta xornada de convivencia, que remataron cunha tarde de xogos, foi moi agradable; polo que posiblemente se repita o ano que vén.
Trasbar foi de romería ó San Antonio da Rigueira
Relacionado
-
‘Preto de ti’ segue achegando ás parroquias ribadenses máis actividades para ás veciñas e os veciños
-
Ortigueira rexistrou unha moi boa acollida nas actividades municipais de dinamización sociocomunitaria, que contan neste curso con case 500 persoas inscritas
-
A estrada provincial LU-P-6103, de Trabada a Barreiros por Fórneas, sufre o corte dun carril -á altura do punto quilométrico 3,5- debido ao comezo dos traballos para estabilizar un talude
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
