SANTIAGO .- Para ADEGA, as especies invasoras teñen afectado á biodiversidade nativa en case todo o planeta e son unha das principais ameazas á biodiversidade. Dende o século XVII, as especies exóticas invasoras teñen contribuido á extinción do 40% das especies animais desaparecidas dende entón. Contribúen a incrementar a pobreza, afectando á agricultura, ás pesquerías e aos sistemas naturais, base dos recursos de millóns de persoas. Estes danos agrávanse coa globalización, o cambio climático a perda dos hábitats… e detrás de todo está a acción humana. Debemos afrontar a nosa responsabilidade na perda da biodiversidade planetaria, comezando por tomar medidas no noso entorno máis próximo. Porque en Galiza, o impacto das especies invasoras é cada vez máis importante e, nalgúns casos, xa irreparábel.
En decembro de 2000, a Asemblea Xeral da ONU designou o 22 de maio como Día Mundial da Biodiversidade, para comemorar a sinatura en 1992 do texto da Convención Internacional para a Diversidade Biolóxica en Nairobi (Kenia).
No entanto, o número de especies en perigo e de hábitats ameazados continúa a medrar, apesar da cada vez máis ampla lexislación proteccionista. A conservación da diversidade natural fica sempre á cola das prioridades reais e dos compromisos orzamentarios das administracións. Galiza ten unha das máis ricas biodiversidades de Europa e até o de agora, as administracións non souberon estar á altura: temos a menor Rede Natura 2000 (o 12%) de todas as autonomías, moi por baixo da media estatal (25%), e a prometida ampliación non acaba de chegar. O retraso na redacción e aplicación dos PORN (Planos de Ordenamento dos Recursos Naturais) e PRUX (Planos Reitores de Uso e Xestión) é escandaloso, por no falar dos Planos de Conservación e Recuperación das especies ameazadas, case inexistentes, e do feble compromiso na loita contra as especies invasoras.
Mentres, unha variada planificación sectorial (acuícola, enerxética, de infraestruturas, urbanística…) vai minguando a nosa biodiversidade mesmo nas áreas protexidas, orientadas prioritariamente ao turismo masivo.
Galápagos da Florida, carpas vermellas, cangrexos e visóns americanos, herbas do coitelo, eucaliptos, acacias, herbas da Pampa… convertéronse xa en habitantes permanentes do noso medio, mesmo en espazos protexidos! E moi pronto, o mexilón cebra e a Corbicula fluminea (ameixa asiática ou berberecho de río) serán habitantes comúns dos nosos ríos e esteiros, condenando á extinción a especies emblemáticas como o mexilón de río (Margaritifera margaritifera) e causando gravísimas perdas económicas e danos irreparábeis ao marisqueo. Iso sí, se cadra poderán aproveitarse para festas gastronómicas…
Até o de agora, só as organizacións ecoloxistas e os centros de investigación semellan ser os únicos que tomamos verdadeiramente en serio esta ameaza en Galiza. Por iso neste día, ADEGA esixe ás administracións medidas activas encamiñadas a reducir ou erradicar a presenza destas xenoespecies nos nosos ecosistemas, con especial atención aos espazos protexidos. Quén seremos nós sen a fauna e flora galega?
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
