Asamblea de gandeiros diante de isntalacións de Leite Rio, o pasado sábado (foto:SLG)
BARREIROS (FNC) .- O alcalde de Barreiros, Alfonso Fuente, mantivo esta mañá no Concello un encontro cos dous produtores ós que Leite Río non lles recolle o leite, que acudiron acompañados polo responsable do Sindicato Labrego Galego, Antonio Villarino. O rexedor contou que “me fixeron chegar as súas demandas e o seu problema. Hoxe independentemente de que no sector hai un problema grave que é o dos prezos, e que leva a que cada mes se dean perdas nas explotacións e eso crea unha serie de tensións que logo ás veces derivan en denuncias ben por agresións ben verbais ou físicas que non entro a valorar, será a xustiza a que as valore, pero nós acordamos que hai que analizar de onde veñen”.
Fuente Parga sinalou que “hai un problema no sector e neste caso a empresa Leite Río decide de xeito unilateral suspender a recollida de leite e eso na parte que lle afecta a este concello nos crea un problema engadido, un problema medio ambiental e un problema dos produtores aos que nos recollen o produto. Tendo en conta que no noso concello son dos produtores que máis leite entregan ou que son máis grandes hai que estar con eles e botarlles unha man”. O alcalde explicou que “xa onte pola tarde comunicáballe a existencia desta xuntanza ao conselleiro de Medio Rural e preguntáballe como se podía solucionar este problema debido ás limitacións que temos dentro do ámbito municipal, e hoxe eu comprometíame con eles a seguir mediando coa Consellería para buscar que algunha empresa poida facer esta recollida de leite”.
Mesa do leite
Alfonso Fuente dixo que “eu ao largo do día quedei de estar en permanente contacto con eles. Estou pendente que se me confirme si pode haber unha empresa que faga esa recollida e o que eu non me podía comprometer con eles era en canto a prezos, porque eso debe debaterse mañá na mesa do leite, onde se fala de todos os problemas que está a sufrir o sector”. O alcalde considera que “sería bó que para sentarse nunha mesa do leite este tema estivese resolto, é dicir que a recollida estea garantida e que ningún produtor teña que tirar o seu leite ou deixar o seu produto na casa. Con toda a cautela, insisto desde a autonomía municipal que temos, eu estou ao lado dos produtores para tentar solucionar este problema”.
O rexedor lembrou que “onte eu xa facía unha chamada a unha empresa e hoxe pola mañá se chamou a outra para tentar solucionar que se lles recolla o produto que é o principal problema que teñen tal e como eles mesmos me trasladaban. Din que sin en dous días esto non se arranxa terán que tomar algunha decisión con respecto ás súas explotacións e esto para nós no noso concello é grave, é grave que dous productores teñan que cesar coa súa actividade porque non se lles recolle o seu producto”. Alfonso Fuente cre que “tamén, e así o falábamos, que coas limitacións que pode ter a comunidade autónoma que evidentemente non son empresa, pero sí deben tutelar as relacións entre os productores e as empresas, e creo que nesa liña estamos. Eu o sábado falei co conselleiro, falamos con Leite Río e xa estábamos traballando nesa liña”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
