Mondoñedo, 11 de xullo de 2013. A Xunta de Goberno da Deputación Provincial de Lugo aprobará, na súa xuntanza de mañá venres, a concesión dunha subvención directa de carácter excepcional por valor de 150.000 euros ao Concello de Mondoñedo para sufragar os gastos do proxecto do Centro de Interpretación da Prehistoria co que se pretende promover o turismo do municipio e a comarca e frear a despoboación da zona.
Tras facer este anuncio durante un encontro co alcalde mindoniense, Orlando González, Antonio Veiga, vicepresidente da Deputación Provincial, explicou que “o proxecto contempla unha serie de actuacións que contribuirán a consolidar Mondoñedo como referente turístico grazas á súa oferta cultural e patrimonial. Ditas accións comezan coa continuidade da rehabilitación e restauración do Barrio de Vilar como punto de partida para acometer a creación do Centro de Interpretación da Prehistoria.”
“A aldea do Vilar -precisou o vicepresidente – deixará de ser un lugar deshabitado para converterse nun emprazamento de referencia para os turistas unha vez que entre en funcionamento este Centro de Interpretación da Prehistoria no que se fará referencia a tres bloques de estudo e investigación, o paleolítico, o megalítico e a cultura castrexa. Desde a área de Cultura e Turismo apoiamos esta iniciativa porque actuará como complemento ás visitas guiadas á Cova do Rei Cintolo, en canto o futuro centro estará nas súas inmediacións, e porque tamén pretende ser unha medida de choque contra o despoboamento”.
Desde a Vicepresidencia da Deputación insístese en que “o proxecto para a creación do Centro de Interpretación da Prehistoria maximizará o potencial turístico e reforzará o carácter monumental de Mondoñedo, cuxo Casco Antigo foi declarado Ben de Interese Cultural” e lembran que “o concello de Mondoñedo é unha das vilas da comarca da Mariña con maior afluencia de turistas, constituíndo,en especial as súas covas, unha fonte de riqueza, pois cada ano atraen a máis de 1.000 visitantes”.
Pola súa parte, o rexedor municipal agradeceu o apoio e colaboración da Vicepresidencia da Deputación con esta iniciativa que cualificou de “inédita na comarca” e coa que se pretende “acercar o visitante á realidade da prehistoria mindoniense permitíndolle facer unha visita turística pola arqueoloxía da zona que define a pegada dos nosos antergos”.
“O Centro de Interpretación da Prehistoria constitúe unha boa maneira de enxalzar as excelencias turísticas dunha das cidades máis antigas da provincia” – concluíu Orlando González.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
