O Valadouro, 16 de xullo de 2013.- O portavoz do Grupo Municipal Popular do Valadouro, Jose Manuel Lamela, esixiu este martes a dimisión de María José Fernández, edil de Udival e tenente de alcalde do Valadouro tras verse esta na obriga de recoñecer a ilegalidade da terraza do seu local hostaleiro. A concelleira do bipartito local recoñeceu que ten instalada unha terraza -aínda que asegura que é “con carácter temporal”- que incumpre os requisitos establecidos na ordenanza municipal.
PATENTE DE CORSO
Os populares consideran que polo seu cargo tería que “ser a primeira en dar exemplo” e que desde o momento en que recoñece esta irregularidade non ten lexitimidade algunha para seguir formando parte da Corporación Municipal. “Salvo claro que esta señora se crea por riba do ben e do mal e que actúe con patente de corso”
O PP insiste en que unha tenente de alcalde debería saber que a ordenanza municipal non permite a instalación provisional de ningunha terraza que incumpra os requisitos establecidos na normativa vixente, en resume, o peche perimetral e a instalación dunha tarima.
EXERCER A OPOSICIÓN CON RIGOR
Lamela asegura que o Grupo Popular seguirá exercendo con responsabilidade e rigor “ata as últimas consecuencias” a súa tarefa de oposición e que é absurdo considerar “un acoso persoal” denunciar as irregularidades das que son protagonistas os integrantes do bipartito local.
Sinala tamén o portavoz popular que “non se deixará presionar polas ameazas da concelleira” que asegura que podería acudir aos tribunais por unha cuestión de protección de datos pois, ante a evidencia das irregularidades cometidas por esta edil, ten a obriga de denuncialo publicamente, e non ten problema algún porque a Xustiza poida verificar estes feitos irregulares.
O ALCALDE DEBE ACTUAR
Finalmente espera que o alcalde, tal e como lle obriga a normativa municipal, “tome cartas no asunto e aplique a ordenanza, iniciando o procedemento sancionador correspondente”, como acontecería con calquera outra veciño que non respecte as normas e espera que o pacto económico subscrito polo bipartito, de 100.000 euros, non sexa ningún obstáculo para sancionar un incumprimento recoñecido pola propia tenente de alcalde.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
