O Partido Popular de Ribadeo agradece publicamente á Consellería de Medio Ambiente, Territorio e Infraestruturas a súa implicación coa localidade dado o investimento que destinará a mellorar a depuradora de Porto e á construción dun sistema de depuración en Reme.
O presidente do Partido Popular local, Jesús López Penabad, trasladou este agradecemento en nome do seu partido tras facerse pública a sinatura do convenio entre o Concello e a Xunta de Galicia e que implica un investimento de 80.000 euros.
López Penabad resaltou que esta é unha mostra máis do afán colaborador da Xunta de Galicia co Concello de Ribadeo ao tempo que lembrou que a administración autonómica xa se implicara na elaboración dunha Estación Depuradora de Augas Residuais (Edar).
O popular explicou que esta acción, encadrada dentro do convenio de colaboración entre o Ministerio de Agricultura, Alimentación e Medio Ambiente e a Xunta de Galicia, consistirá na mellora da depuradora de augas residuais de Porto mediante un sistema de depuración, na construción e acondicionamento de colectores, na instalación da condución eléctrica e na construción das arquetas correspondentes e dous pozos filtrantes.
Asemade, López Penabad engadiu que dentro deste convenio tamén se inclúe a construción dun sistema de depuración en Reme e a renovación do colector de augas residuais e canalización eléctrica baixo terra, ao tempo que se eliminarán os residuos sólidos da Zepa de Ribadeo.
O presidente do PP de Ribadeo cualificou de “moi necesarios” estes dous proxectos ao tempo que avogou pola necesidade de continuar a mellorar a rede de saneamento e dotar dun sistema de alcantarillado e canalizacións residuais ás parroquias do rural de Ribadeo que non dispoñan deste servizo.
Deste xeito, López Penabad reitera o seu agradecemento á Xunta de Galicia dado que esta colaboración da administración autonómica contribuirá á mellorar a calidade de vida dos veciños do Concello de Ribadeo.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
