Churrascada para comezar as festas de Lago

Este venres 19 de xullo comezan as festas patronais de Lago, Xove, na honra a San Antón e á Virxe do Carme a partir das oito da tarde cunha gran churrascada. Inicialmente, estaba prevista un gran sardiñada; pero debido á escasez deste produto, a organización substituiu as sardiñas por outro produto da terra, a carne de porco de calidade. A partir das dez da noite, as orquestras Costa Dorada e Fantasía amenizarán a verbena. E o sábado 20, na honra á Virxe do Carme, as festas contarán coas actuacións das orquestras Emperadores e Escaparate para amenizar a sesión vermú a partir da unha e media do mediodía e da verbena a partir das dez da noite. O domingo as festas honrraran a San Antón con misa solemne e procesión a partir da unha e sesión vermú á unha e media do mediodía coa orquestra Alianza que tamén actuará ás dez da noite. Haberá grandes aparcamentos.