SAN CIBRAO .- O delegado de Cultura da Deputación de Lugo acompañou aos nenos e nenas do colexio de Galdín de Cervo no concerto musical “O deserto de Rub Al-Khali”. A Área de Cultura da Deputación de Lugo pretende achegar aos colexios con poucos recursos actividades deste tipo que descubran ao alumnado infantil o interese e o gusto pola música.
Nota de Prensa
O DELEGADO DE CULTURA DA DEPUTACIÓN ACOMPAÑOU AOS NENOS E NENAS DO CEIP GALDÍN DE CERVO NO CONCERTO MUSICAL “O DESERTO DE RUB AL-KHALI”
A Área de Cultura da Deputación de Lugo pretende achegar aos colexios con poucos recursos actividades deste tipo que descubran ao alumnado infantil o interese e o gusto pola música
LUGO, 28 de maio de 2009. O delegado de Cultura da Deputación de Lugo, o nacionalista Antonio Veiga, acompañou aos case 80 nenos e nenas do CEIP Galdín de Cervo a presenciar o concerto musical “O deserto de Rub Al-Khali”, a cargo do dúo DVÁ, composto por Vadim Yukhnevich e Manuel Vázquez. “O deserto de Rub Al-Khali” é un concerto musical que transcorre a modo dun conto, no cal os seus protagonistas, dous músicos, van interpretando as pezas na súa viaxe ao deserto para afinar os seus instrumentos xunto da persoa co mellor oído do mundo, e tamén as orellas máis grandes, a anciá Mughk.
Este conto-concerto fixo as delicias dos preto de 80 nenos e nenas do CEIP Galdín e, como sinalou o delegado de Cultura da Deputación, Antonio Veiga, “serviu para introducir no mundo da música dun xeito ameno, e ao mesmo tempo enriquecedor, a un público moi novo”. O nacionalista Veiga salientou que a Área de Cultura da Deputación seguirá pulando “para que actividades como estas cheguen a todos os colexios e escolas das comarcas lucenses, especialmente a aquelas que contan con poucos medios para organizaren por si mesmas actividades de tipo cultural e formativo alén das contempladas no currículo escolar”.
Logo de presenciar xunto aos cativos e cativas a actuación musical, Antonio Veiga compartiu con eles as súas impresións sobre o concerto, do que quedaron encantados, e agasallounos cun lapiseiro para empregaren nas súas aulas. Para finalizar a visita, o delegado de Cultura da Deputación, acompañado da directora do CEIP Galdín, fixo un percorrido polas instalacións docentes e animou ao profesorado a continuar con folgos no seu traballo a prol da formación da mocidade, futuro de Galiza.
Actividade programada dentro de “100 Soños”
Este conto-concerto musical, “O deserto de Rub Al-Khali”, é unha das actividades programadas dentro do proxecto “100 Soños”, dirixido aos centros de ensino de educación infantil e primaria lucenses. Este proxecto, deseñado e promovido pola Área de Cultura da Deputación de Lugo, pretende fomentar a lectura entre os máis pequenos, espertar o seu interese pola súa música e polo teatro a través dunha peculiar interpretación da doce historia de “Chocolata”, do propio concerto musical “O Deserto de Rub Al-Khali”, grazas ás interpretacións do dúo DVÁ, e da representación da peza teatral “Babiliglub!”.
Este proxecto naceu coas arelas de botar a andar unha campaña que achegase, de xeito ameno e distendido, a comunidade educativa á interculturalidade e á creación artística galega dos últimos tempos. Entre os obxectivos de “100 Soños” está o de fomentar o espírito crítico nunha etapa na que os nenos e nenas comezan a desenvolver a súas aptitudes e actitudes. A posta en marcha deste proxecto pretende ampliar e reforzar a actividade docente impartida nos centros, programando unhas actividades extra escolares cun fondo contido educativo e pedagóxico que contribuirán a mellorar e incrementar as ganas de aprender dos nenos e nenas, facendo fincapé naqueles centros que contan con menos recursos e non poden ofertarlle ao seu alumnado este tipo de actividades complementarias.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
