Mondoñedo, 30 de xullo de 2013.- O Partido Popular de Mondoñedo amosase contundente en relación co estado que presenta a obra do entorno da catedral, seminario e rúa da Fonte e reclama que alguén dea explicacións sobre o resultado con claras deficiencias irreparables que presentan unhas obras que supoñen un investimento de máis dun millóns de euros.
Os populares consideran necesario que alguén terá que dar explicacións e asumir responsabilidades ao respecto de como quedou esta obra que inhabilitou un espazo público, prexudicando o día a día dos veciños dado a dificultade para estacionar.
Dende o Grupo Popular reiteran que as deficiencias son claras e evidentes na citada infraestruturas, tal e como vén denunciando dende fai tempo, e engade que nunha obra de tanto diñeiro público non se debe fomentar ningunha dúbida.
Do mesmo xeito, os populares pregúntanse o porqué o alcalde se nega a crear unha comisión de investigación se tal e como poñen de manifesto non hai nada que ocultar. As dúbidas non as ten o PP, explican, senón todos os veciños que teñen dereito a coñecer a situación.
As declaracións vertidas polo equipo de goberno en prensa poñen de manifesto que as denuncias dos populares son certas e que non mente, e que a obra presenta deficiencias irreparables non só en melloras que non están executadas –sendo determinantes na adxudicación da obras-, senón tamén no resultado das levadas a cabo e xa pagadas.
Deste xeito, o PP vese obrigado de novo a denunciar que o equipo de goberno non realizara un control rigoroso nunha obra que dende o principio foi rexeitada polos veciños. Os populares explican que a obra quedou mal, faltan melloras por executar e a reclamación da empresa faise tarde e mal, polo que é necesario e evidente que alguén terá que comparecer, dar explicacións, e, sobre todo, asumir responsabilidades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
