A Vicepresidenta Segunda da Deputación, Lara Méndez, acompañada por Carlos Marina Soler; Martina Gandoy Fernández e Antonio Magariños Freire, en representación dos balnearios de Guitiriz, Lugo e Augas Santas e Pambre, respectivamente, presentou nun acto que tivo lugar este xoves no Salón de Actos do Pazo de San Marcos, a terceira edición de Termalismo no Camiño, o exitoso programa organizado pola institución provincial. Con esta nova convocatoria, a institución provincial lucense pon a disposición dos lucenses maiores de 50 anos un total de 1.200 prazas para acceder, entre os meses de agosto e decembro, ós tratamentos ofrecidos en catro balnearios da provincia: Augas Santas, Río Pambre, Romano de Lugo e Guitiriz. Estes sumaranse ós preto de 2.000 lucenses que xa desfrutaron das excelentes instalacións termais da provincia grazas ós descontos que ofrece o programa en diversos paquetes de estancias e tratamentos mineromedicinais.
Durante a súa intervención, Méndez subliñou que “os datos ofrecidos polo “Observatorio Nacional del Termalismo y Desarrollo Rural” avalan a consideración do turismo de saúde coma un importante elemento de promoción turística nacional e internacional, xunto co Camiño de Santiago”. O feito de que Lugo conte con balnearios situados ó pé dos Camiños Primitivo, Norte, Francés e de Inverno “é, polo tanto, un factor diferencial que non podemos desperdiciar, tendo en conta, ademais, que os balnearios son un perfecto exemplo de modelo de empresa sostible”, garantindo o futuro do recurso, fixando poboación grazas á creación de emprego local e “dinamizando a economía das zonas nas que se insiren, que son esencialmente rurais, coa afluencia de usuarios en calquera época do ano”.
Sector en auxe
O sector do turismo de saúde arroxa cifras moi positivas no 2013, “coma as preto de 150.000 persoas que cada ano visitan Galicia para beneficiarse da súa riqueza mineromedicinal, xa que conta con sete dos oito tipos de augas medicinais que existen, e que xeran unha facturación anual para sector duns 126 millóns de euros”. A Vicepresidenta destacou que grazas a este turismo desestacionalizado, os usuarios comen en restaurantes cercanos, coñecen o patrimonio natural e cultural das zonas próximas ós centros termais e tamén do resto da provincia, “co que contribúen a xerar riqueza noutros sectores”
“O sector termal da nosa provincia é un sector punteiro, moderno e de calidade, avalado por distincións coma a “Q” de calidade turística, polo que este programa non só está a impulsar a riqueza medioambiental da provincia, senón que pon a disposición dos lucenses un xeito sinxelo de acceder a tratamentos da máis alta calidade”, subliñou Méndez.
Descontos en 1.200 prazas
Termalismo no Camiño ofrece descontos para desfrutar de balnearios lucenses entre os meses de agosto e decembro dos seguintes paquetes de prestacións:
6 días con 5 noites de estancia
5 pensións completas
Día de entrada (domingo): incluídos cea e aloxamento
Día de saída (venres): incluídos almorzo e comida
8 técnicas de balneario
1 recoñecemento médico á chegada
De luns a xoves: programa de animación sociocultural
As 1.200 prazas dispoñibles distribúense do seguinte xeito: 650 prazas en Oca Augas Santas Balnearios Golf&Resort; 450 prazas no Hotel Balneario&Golf Resort de Guitiriz; 100 prazas no Hotel Balneario Río Pambre e 30 no Balneario de Lugo Termas Romanas. Cada beneficiario poderá acudir cun acompañante, que poderá participar no programa aínda que non cumpra os requisitos de ter máis de 50 anos e estar empadroado na provincia.
Inscricións
O prazo para presentar as solicitudes xa está aberto. Só se aceptarán as inscricións realizadas polas persoas interesadas, sen delegar en Concellos ou entidades, presentando no Rexistro Xeral da Deputación de Lugo a documentación que poderán obter na web www.deputacionlugo.org, xunto cun certificado de empadroamento e unha fotocopia do DNI.
Unha vez seleccionados, os propios participantes, ou ben un familiar directo, deberán recoller na Deputación (Servizo de Relacións Institucionais) os bonos que presentarán no balneario seleccionado. Estes bonos tampouco se entregarán a ningún representante de Concellos, asociacións ou calquera tipo de entidade allea.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
