Os cadernos números 1 e 2 do Seminario de Estudos do Valadouro (SEVA), presentados a nivel local o pasado 13 de xullo na Casa da Cultura do Valadouro: As luces do Caselo, Manuel Lourenzo (obra dramática ambientada no Mercado Medieval de Alfoz) e Ditos e refráns do Valadouro, Lionel Rexes (estudo da paremioloxía local), que contan co deseño das portadas realizado polo artista plástico Xosé Blanco; pódense adquirir no Bar Rodolfo e Castelo do Castrodouro (Alfoz), Estanco da Praza e Libraría Marta (Ferreira) e na Libraría Mahía de Foz. Así mesmo, na sesión vermú da Festa dos Chóferes (Alfoz) do sábado 3 de agosto os autores asinarán exemplares a quen desexe adquirir o caderno. Por outra banda, terá lugar unha nova presentación na Feira do Libro de Foz o vindeiro luns 19 ás 20:00 h., evento que abrirá as súas portas o sábado 17 cun pregón de Manuel Lourenzo.
ÚLTIMA HORA
- O 30 e 31 de maio celebrarase no concello de El Franco a primeira Feira de Xardinería do Occidente
- Trabada vive a súa Festa da Enfariñada máis numerosa co apoio da Deputación
- Ribadeo acolle este mércores a Másterclass ‘Armonía de Viños’ na Praza de Abastos
- Barreiros organiza o seu mercadiño de primavera o Día das Letras Galegas con música, talleres e degustacións
- O 30 e 31 de maio celebrarase no concello de El Franco a primeira Feira de Xardinería do Occidente
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia. - A actuación do Domingueo en Ribadeo programada para este domingo, 3 de maio, no Cantón quedou suspendida debido á previsión de chuvia
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización. - Catuxa Salom na Conservera de Viveiro
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick. - A Praza de España, de Ribadeo, foi escenario este sábado dunha actividade de spinning dirixida
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”. - O conselleiro de Cultura, José López Campos, e a deputada Iria Castro participaron este venres na XXXV Festa da Filloa de Muimenta, unha celebración declarada de Interese Turístico de Galicia que encheu o recinto feiral Manuel Vila ao longo da xornada
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira. - O Deputado de Medio Ambiente, Carlos López, participou este venres xunto ao Alcalde da Pontenova, Darío Campos, na 46 edición da Festa da Troita
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez. - O Instituto de Estudos Chairegos (IESCHA), coa colaboración do Concello de Vilalba, organiza o acto de presentación do libro Memorias dun porco teixo, de Xosé Manuel Felpeto Carballeira, publicado pola Editorial Tris Tram
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
2021 Crónica 3 A Mariña - Implementado por GaliciaDigital