Por segunda fin de semana consecutiva, o Barco Muralla expón a riqueza medioambiental da provincia ó tempo que ofrece unha serie de actividades lúdicas para o desfrute en familia. A actividade, que depende da Deputación, atoparase na localidade costeira de Burela ó longo toda a fin de semana e conta manter a afluencia doutras edicións.
O Barco Muralla, que está situado no Porto de Burela, está executando diversas actividades, que se reparten en dúas áreas, unha no exterior, máis ambientada no público infantil, e outra no interior, enfocada para adolescentes e unha audiencia de maior idade. Fóra sitúanse os talleres de traballos manuais para nenas e nenos, así como un apartado de reciclaxe onde os máis pequenos poden comezar a concienciarse na defensa do medio ambiente. Dentro da embarcación atópase unha pequena sala con portátiles onde os asistentes poden informarse acerca de toda a diversidade ambiental da provincia. Neste apartado tamén se atopa unha sala na que se expoñen vídeos con material informativo editados por membros da Fundación Tic, organismo dependente da Deputación. Ademais, dous monitores guiarán en todo momento a todos os asistentes, que tamén dispoñen de folletos informativos.
Unha oportunidade para os turistas que nos visitan
Esta é a segunda cita do Barco nesta edición, logo da súa visita a Guitiriz a pasada semana. A actividade continuará a súa ruta de verán polos concellos de Viveiro, Monforte de Lemos e Vilalba. No transcurso do ano pasado, preto de 10.000 persoas acudiron á embarcación para coñecer a riqueza medioambiental da provincia a través das actividades informativas que se levan a cabo.
Ademais da concorrencia de lucenses, o Barco conta con moita afluencia de público foráneo, tanto doutras provincias como de Comunidades próximas a Galicia como Asturias, Cantabria ou o País Vasco. Así o reflicten as cifras de visitantes en Guitiriz, onde preto dun 80% dos asistentes eran de fóra da provincia. Deste xeito, a iniciativa convértese tamén nun estupendo escaparate para dar a coñecer ós turistas toda a riqueza medioambiental de Lugo.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
