San Cibrao acollerá o sábado día 10 de agosto unha nova edición da Festa da Maruxaina, declarada de interese turístico galego.
Aínda así, a celebración arrancará o venres 9 de agosto ás sete da tarde do gran chupinazo na prazoleta seguido dunha degustación de empanada e bolos preñados con viño incluído.
O Maruxaino de Honra 2013 será desvelado ás nove do serán nun acto que se desenvolverá no mesmo escenario e tralo que se iniciarán os pasarrúas a cargo dos gaiteiros de San Cibrao e a charanga os Kilombeiros de Monte Alto.
A mesma charanga poñerá música a partir das once da mañá dando o chupinazo do sábado. Ás doce engaiolarase á Maruxaina que inclúe concurso de carros de comida á hora dos viños. A partir das dúas e media da tarde na praia da Concha celebrarase o xantar de irmandade coa música dos Kilombeiros de Monte Alto. A organización, a cargo da asociación de Amigos da Maruxaina, apunta que lle gustaría recuperar a tradición do baño en paños menores tralo xantar.
Xa pola tarde, a partir das sete, celebraranse os xogos olímpicos maruxainos coas tradicionais probas de cucaña, carretilla, corda ou carreira de sacos onde se repartirán premios para os gañadores.
Cara á noitiña, os participantes poderán agardar na praia o desembarco da Maruxaina. Os mariñeiros tráena para terra despois de darlle pesca, mentres outros, con sinais luminosas os orientan dende a Anxuela para chegar ata a beira. Durante o traxecto poderemos gozar dun marabilloso espectáculo de fogos de artificio, e alí tamén estarán os maruxainos concentrados na praia con farois, ó son do corno berrando ¡Maruxaina!
A medianoite celebrarase o xuízo popular á Maruxaina representado por un grupo de persoas da vila. Despois, rodeada dos gaiteros, mariñeiros e o grupo de baile e teatro, levarase ata a Praza dos
Campos, onde todos poderán bailar e bailala tamén a ela.
Os expertos queimadores da vila servirán queimada de xeito gratuíto entre todos aqueles que adquiran a taza do 2013.
As orquestras Magos de España e Chicago poñerán música á verbena que se prolongará toda a noite.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
