Burela, 8 de agosto de 2013. O equipo municipal de goberno en Burela aclara que a información turística ós visitantes estase dando nas oficinas da Casa do Concello. Ademais explica que están facendo presentacións de actividades en Lugo para divulgalas a nivel provincial sen custe algún para o Concello.
O goberno local de Burela explica que “é mentira que non se lles dea información ós visitantes, porque estase facendo desde as dependencias da Casa do Concello. O PSOE di que temos a oficina de información cerrada, iso é certo e evidente, pero séguese dando información turística desde a Casa do Concello en horario de oficina”.
“O punto de información está pechado porque se entende que os concellos actualmente só poden contratar persoal para os servizos esenciais, que son servizos sociais, educación e seguridade cidadá. Isto non é un servizo esencial e polo tanto nosoutros estamos cumprindo a lei. No momento en que se nos conceda unha subvención finalista evidentemente abriríamos de novo a oficina de turismo”, engade o equipo de goberno.
Os gobernantes municipais tamén sinalan que “a promoción turística de Burela que se fai é a que nestes momentos se pode facer e iso sábeno perfectamente tamén os propios hostaleiros. En concreto, as presentacións que se levan feito en Lugo capital teñen como obxectivo precisamente facer unha divulgación e unha difusión dentro do ámbito provincial do que hai en Burela. Por certo, para o coñecemento da poboación en xeral, as presentacións en Lugo, que se fan nun restaurante, sáennos gratis para o Concello. Non sabemos se o PSOE actuaría igual, porque ó mellor había que pagarlle algo a alguén”.
E rematan comentando que “se a Deputación tivese unha política turística activa ó mellor podería conceder algún tipo de subvención ós concellos, xa non soamente para a contratación de persoal, que tamén, senón para elaboración de material divulgativo. E de momento aquí o importe que se ten concedido por parte da Deputación ó Concello de Burela para isto é cero euros. Polo tanto o que está claro é que o PSOE fala de oídas, sente campás e non sabe onde e non se decatan de nada”.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
