Lugo contará co centro referencial da UNED no noroeste de España para o curso académico 2014-2015. Así o avanzou este venres o voceiro provincial socialista, Manuel Martínez, tras a Xunta de Goberno Provincial, na que se aprobou solicitar ó Concello de Lugo a bonificación do 95% do imposto de construcións, instalacións e obras para pedir a vindeira semana a licenza dos traballos de acondicionamento do bloque 1 do Hotel Miño. Martínez destacou que “é o derradeiro permiso imprescindible e legal que necesitamos para executar estas actuacións logo de acadar o de estradas do Ministerio de Fomento, o de augas da Confederación Hidrográfica do Miño-Sil e o informe favorable da Xunta, polo que tivemos que esperar case 2 anos”.
Simultáneamente á espera por estas licenzas, a Deputación realizou os traballos que non requiren permisos doutras administracións, avanzando no proxecto que fará que se sitúe na cidade luguesa a sede da UNED de referencia en Galicia e Asturias, destacando tamén fronte á de León, Zamora e Salamanca. Estas actuacións consistiron na demolición do bloque 2 e na súa adecuación para levar a espazo o aparcadoiro de 1.900 metros cadrados da universidade. A institución achegou a estes traballos preto de 90.000 euros. Asimesmo, acondicionou o bloque 3, situando alí o Arquivo Provincial. Agora, arranxará o bloque 1, que será o edificio principal da UNED e nova sede na capital luguesa.
Estas últimas actuacións, contan cun orzamento de 1,3 millóns de euros, dos que o organismo provincial achega 1 millóns de euros e a cantidade restante a UNED. Concretamente, son 300.000 euros, que adiantou a Deputación á universidade, pero que devolverá en varias anualidades. Martínez destacou as vantaxes desta iniciativa, apuntados as seguintes: 1.- Económica. Aforraranse os 105.000 euros anuais que, actualmente, se desembolsan no alugar do edificio Forcam, propiedade da Cámara de Comercio, para as clases. 2.- Espacial. Gañarase espazo para acoller ós alumnos en constante aumento, xa que, segundo datos oficiais, a Uned luguesa incrementou nun 15% o número de matriculados no 2013 con respecto ó ano pasado, acadando os 2.212. Trátase do maior crecemento en volume de alumnos de Galicia. 3.- Adaptación do centro ó novo marco universitario europeo; 4.- Consolidación da existencia da Uned en Lugo coa permanencia da sede.
Características
Cos obras no bloque 1 do Hotel Miño, a Deputación acadará un edificio de 1.993 metros cadrados útiles, distribuídos en 4 prantas: Na pranta baixa (446 m2), situarase unha biblioteca de acceso libre, con conexión a Internet de 10 megas e cuxa extensión triplica a existente. Ademais, localizarase o departamento de orientación, formación e emprego (COIE), así como o de atención ó alumnado. Na primeira pranta (536 m2), habrá 6 aulas compostas por tabiques móbiles facendo posible que en tempadas de maior afluencia de estudantes, por exemplo durante a celebración de exames, quede unha soa sala con capacidade para 200 persoas. Tamén neste espazo, se localizará a sala de reunións e a de dirección. Na segunda pranta (536 m2), estarán as restantes 12 aulas -isto significa que a UNED contará cun total de 16 aulas-, así como a área de informática. A terceira pranta (475 m2), que hoxe é a terrraza, converterase no espazo que acolla o salón de actos e os laboratorios.
“Máis herdanza do PP”
“Máis herdanza do PP”, apuntou Martínez, para referirse á sentenza desestimatoria, é dicir, a favor da Deputación, da que se deu conta á Xunta de Goberno. Versa sobre o contencioso contra o organismo provincial “que interpuxo a empresa á que o Partido Popular contratou o servizo de aluger de 19 vehículos, que supoñía un desenvolso anual para a Deputación de máis de 1,4 millón de euros. Ante este importante investimento, e dentro da nosa aposta pola racionalización dos gastos correntes, acordamos resolver este contrato que herdamos dos populares, reducindo nun 65% a contratación externa no Parque Móbil e aforrando 1,1 millóns de euros. A empresa arrendataria non estivo de acordo con esta decisión, pedindo unha indemnización, que tanto o Xulgado contencioso administrativo número 1 de Lugo como o Tribunal Superior de Xustiza de Galicia rexeita porque, dende o momento que este Goberno Provincial acordou resolver este contrato, a Deputación devolveu os 19 vehículos que tiña alugados o PP, non existindo motivo algún para indemnizar a esta entidade”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
