Lugo, 29 de agosto de 2013. Esta tarde preséntase no campo de fútbol das Valgas, en San Miguel, o 1º torneo de fútbol base “Vila de San Miguel”, que organiza o Iberia CF. e no que participarán 3 equipos da mariña e un asturiano baixo un formato de emparellamentos directos. Na presentación participan o vicepresidente da Deputación e responsábel da Área de Deporte, o nacionalista Antonio Veiga, xunto ao presidente do Iberia CF, Jesús Otero, e Juan Rodríguez, tesoureiro do Iberia e presidente da Asociación de Veciños de San Miguel, e David Díaz, responsable das categorías inferiores do Iberia CF.
Este torneo que hoxe se presenta disputarase desde as 4 da tarde do sábado 31 de agosto no campo de fútbol das Valgas de San Miguel de Reinante. Os enfrontamentos entre os equipos cadetes dividiranse en dúas semifinais: CD. Foz contra SD. Burela e Astur Vegadense contra Iberia CF. Os gañadores disputarán a final e os vencidos loitarán polo 3º e 4º posto do torneo. Este é o primeiro ano que o Iberia organiza un torneo deste tipo e tamén coincide coa primeira vez, durante a tempada pasada, que o Iberia conta con categorías inferiores, co que o club deu un importante paso para comezar a traballar co fútbol de base.
A Área de Deporte da Deputación de Lugo colabora co Iberia CF., ademais de nos gastos ao longo da tempada a través das axudas en concorrencia competitiva ás que optan todos os clubs da provincia, na organización deste torneo de fútbol base, xa que unha das premisas da Área de Deporte da Deputación é, precisamente, o impulso ao deporte desde as categorías inferiores, favorecendo que todas as persoas desde as idades máis curtas poidan achegarse á práctica deportiva e a un estilo de vida saudable.
Ademais, a Área de Deporte aportou unha importante suma económica para mellorar as instalacións do campo de fútbol “As Valgas” de San Miguel, que presentaban un estado moi deficiente. En concreto a Deputación achegou 50.000 euros para reformar a tribuna e os vestiarios xa que o estado das instalacións anteriores podían incluso supoñer un perigo para a integridade dos espectadores e deportistas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
