BURELA (FNC) .- Mañá xoves someterase a aprobación no pleno do Concello de Burela un novo regulamento do servizo de axuda no fogar “para modificalo e adaptalo á nova orde que regula este servizo en Galicia”, segundo explica a tenente de alcalde e concelleira de Benestar Social. Neves Cando fala das novidades importantes que suporá “como a inclusión de toda a casuística derivada de toda a lei de dependencia e a atención a esas persoas xa valoradas e co plan individual de atención xa resolto. Incluímos tamén unha serie de normas de funcionamento na relación usuario-traballador e un réxime disciplinario para os traballadores que antes no existía”.
A edil nacionalista subliña que o máis destacado “é o que se refire ao prezo pola prestación deste servizo, algo que tamén se aprobará na ordenanza correspondente do pleno deste xoves. A adaptación á nova orde de axuda no fogar de Galicia fai cambiar o cálculo que por este servizo terán que pagar os usuarios. Se antes estes cálculos económicos se facían sobre o salario mínimo interprofesional, agora vanse facer sobre o IPREM (Indicador Público de Rendas de Efectos Múltiples) que ao ser máis baixo que o salario mínimo suporá importantes melloras económicas para as persoas que reciban este servizo de axuda no fogar”. Neves Cando pon como exemplo que “unha persoa que antes dispuxese de 20 horas ao mes de axuda no fogar e que tivese uns ingresos de 1.000 euros aboaría por dito servizo 90 euros ao mes e agora esa persoa con este novo regulamento e os novos prezos pagará polo mesmo servizo 27 euros ao mes. Esto permitirá tamén, e sen que aumente o que se pagaba con anterioridade, que os usuarios que xa disfrutaban deste servizo poidan dispoñer de máis horas de axuda se así está contemplado no seu programa individual”.
A responsable de Benestar Social asegura que “desde os Servizos Sociais tamén estamos traballando para ampliar este servizo de axuda no fogar ás fins de semana, ampliar con máis traballadoras e poder ofrecer outros servizos complementarios”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
