Ribadeo, 11 de setembro de 2013. A comisión pro residencia de maiores en Ribadeo valora de xeito positivo a proposta realizada onte pola Xunta, pero asegura que aceptala suporía endebedar ao Concello nuns 800.000 euros, “algo que nos parece pouco prudente”, segundo asegurou o alcalde e portavoz de dita comisión, Fernando Suárez Barcia.
O rexedor dixo que “toca valorar a proposta realizada onte pola Xunta despois de térmonos reunido os diferentes grupos da Corporación Municipal de Ribadeo xunto cos representantes das asociacións veciñais que estamos xuntos nesta loita para a consecución dunha residencia en Ribadeo e despois de ter valorado e estudado dita proposta que a Xunta nos fixo no día de onte, sobre ese proxecto xa redactado que o Concello lle presentou por importe de 2.300.000 euros e no que a Xunta nos propón aportar uns 500.000 euros”.
Suárez Barcia indicou que “valoramos positivamente a proposta que a Xunta nos fai aínda que a ringleira seguida debemos dicir que aceptar esta oferta implicaría que o Concello se endebedase nuns 800.000 euros e iso parece pouco prudente no momento económico no que nos estamos a mover e máis os Concellos, dado que temos outras necesidades ás que atender”.
Desde a comisión pro residencia de maiores en Ribadeo “pensamos, e así llo imos propoñer á Xunta, que debe ampliar a súa oferta cando menos ao equipamento do centro, que sería un investimento de 300.000 euros, e podería perfectamente non facelo só en dúas anualidades, 2014 e 2015, tal e como propoñían, senón que poderían facelo en tres anualidades. Así aos 500.000 euros que propón o goberno galego sumaríaselle o equipamento, que serían en total uns 800.000 euros. Esa sería a cifra máis lóxica que a Xunta podería poñer, porque debemos lembrar que as competencias en materias sociais están repartidas entre Deputación, Xunta e Concellos, pero en materia residencial é a Xunta a que ten a competencia principal. Non sería, polo tanto, axeitado que o Concello de Ribadeo acabase poñendo unha cifra desmedida para a situación e a capacidade dun Concello mediano como pode ser o noso”.
O alcalde e portavoz da comisión insiste en valorar positivamente a proposta, “pero aceptar esas condicións tal e como as din, implicaría un endebedamento que entendemos todos os grupos que sería imprudente. Isto farémosllo chegar de xeito formal e asinado por todos os grupos políticos á conselleira Beatriz Mato nas vindeiras horas. Agardamos unha resposta rápida porque o tempo corre para todos, pero corre máis para os nosos maiores que queren pasar o mellor das súas vidas cerca das súas casas e das súas familias, e non a ducias ou centos de quilómetros, tal e como está a ocorrer na actualidade”.
A comisión pro residencia de maiores reuniuse esta tarde en Ribadeo para analizar e valorar a proposta realizada pola Xunta de Galicia.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
