Burela, 11 de setembro de 2013. O alcalde, José Mª González, e representantes da confraría de pescadores, de Absa e do PP de Lugo mantiveron esta mércores unha xuntanza en Santiago de Compostela co presidente de Portos de Galicia, José Juan Durán, para darlle a coñecer e valorar as suxestións que o sector pesqueiro pode plantexar ao plan de usos do porto de Burela.
Segundo explicou o rexedor “son suxestións que se basean fundamentalmente na urbanización dos espazos en canto aos usos que se prevén dentro dese plan que a Xunta de Galicia, con moi bo criterio, está elaborando para o porto de Burela. Tamén contempla a posibilidade, aínda que a situación actual evidentemente non é a que todos quixéramos, de que o día de mañá, dentro duns anos Absa se poida ampliar”.
Para González Barcia “a reunión foi moi positiva porque, aínda que as suxestións efectivamente non teñen un gran calado, en Portos entenden a preocupación que o sector pesqueiro de Burela e o Concello teñen ao respecto. Nós, unha vez máis, temos que reiterar o noso compromiso co sector pesqueiro porque o porto de Burela e un motor socioeconómico fundamental para A Mariña, evidentemente, e para o sustento do noso concello. E polo tanto calquera inquedanza que teña o sector pesqueiro nosoutros vamos compartila e vamos intentar buscarlle solucións”.
O alcalde de Burela indicou que “o que se formula ao plan de usos son aspectos moi puntuais que teñen que ver fundamentalmente coa situación de certos servizos xa existentes, con esa previsión de cara ao futuro para unha posible expansión de Absa e con cuestións de tipo menor, como algunha concreción máis axustada dalgunhas cuestións que aparecen no plan de usos”. E engadiu que “eu, como alcalde de Burela, saín satisfeito desta reunión porque entendo que foi positiva. Serve tamén para intercambiar opinións entre Portos de Galicia e os usuarios do porto de Burela (confraría, Absa e as empresas pesqueiras)”.
González Barcia entende que “boa parte destas suxestións poden ser aceptadas por Portos de Galicia, tal e como os propios técnicos recoñeceron porque consideran que o que se pretende por parte do sector portuario é fundamentalmente, e nese sentido os obxectivos tanto do sector pesqueiro como de Portos coinciden, mellorar o uso do porto, a manobrabilidade dos propios usuarios en todo o espazo portuario. Polo tanto eu, como alcalde, aparte de agradecerlle ao presidente de Portos de Galicia a deferencia de ternos recibido unha vez máis, entendo que non vai haber excesivos problemas con esta situación. Ao contrario, son cuestións de tipo puntual que para nada afectan ao substancial do plan de usos do porto de Burela, que é o primeiro paso para a elaboración, xa máis adiante, dun plan especial”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
