Madrid, 12 de setembro de 2013.- A directora xeral de Comercio, Sol Vázquez Abeal, e o director da Casa de Galicia en Madrid, José Ramón Ónega, participaron hoxe no salón Iberjoya na presentación a profesionais e medios de comunicación das cinco marcas de xoiería galega avaladas pola marca Artesanía de Galicia e o selo Galicia Calidade que están presentes na mostra.
No acto, que foi presentado pola actriz galega María Castro, Fink Orfebres de Santiago de Compostela, Unión Joyera de Bergondo, Ardentia, Óscar Rodríguez Joyeros e Piropo Joyas presentaron no stand instalado pola Consellería de Economía e Industria as súas propostas en deseño e fabricación de xoias para esta edición número 50 do salón.
Durante a presentación, no que estiveron presentes tamén o presidente da Federación Galega de Xoieiros, Óscar Rodríguez, o xerente de Galicia Calidade, Alfonso Cabaleiro, e a xerente da Fundación Centro Galego da Artesanía e do Deseño, mostráronse as últimas creacións destes artistas que incorporan a innovación aos seus productos ao tempo que manteñen intacta a tradición dos artesáns galegos.
Iberjoya, o Salón Internacional de Xoiería, Pratería, Reloxería e Industrias Afíns reúne nesta edición 2013 209 expositores procedentes de distintas zonas de España e do resto de Europa pero tamén de China, Alemaña, Estados Unidos, India ou Corea, entre outros países.
Ademais da alta xoiería e reloxería, neste certame preséntanse coleccións de moda e tendencias, novas canles de distribución, as solucións tecnolóxicas máis novidosas para os procesos de produción ou xestión comercial ou as últimas novidades en ourivería e industrias afíns. O salón está dirixido unicamente a profesionais e ofrece un contorno estratéxico, un encontro de oferta e demanda onde os participantes, tanto expositores como visitantes, poden descubrir ideas e encontrar novas oportunidades de negocio. Na pasada edición convocou a 14.500 profesionais de 82 países.
Iberjoya é así unha oportunidade para que estas cinco empresas galegas, dentro da súa estratexia de internacionalización, poidan presentar as súas creacións a compradores de todo o mundo. Todas están amparadas tanto pola marca Artesanía de Galicia como polo selo de Galicia Calidade, grazas ao convenio de colaboración posto en marcha co Colexio Oficial de Xoieiros para conceder esta certificación que só se outorga a produtos e servizos que traballan con materias primas de alta calidade, desenvolven unha producción óptima e achegan excelencia no servizo.
A participación neste salón enmárcase dentro da estratexia que a Consellería de Economía e Industria desenvolve a través de Galicia Calidade e a Fundación Centro Galego da Artesanía e do Deseño de apoio a sectores como o da xoiería a través de campañas de promoción, asistencia a feiras e todo tipo de eventos que poidan reforzar o seu prestixio en España e tamén a nivel internacional e que lles permitan abrir novos mercados. Ademais de en Iberjoya, estas cinco empresas galegas participan en feiras internacionais como Inhorgenta de Múnic, Bijohrca de París ou As Vegas e así as xoias con denominación de orixe galega están en escaparates dos cinco continentes, desde Estados Unidos, Alemaña ou o Reino Unido a outros mercados en expansión como os países do Leste ou o Golfo Pérsico.
Tendencias outono-inverno 2013
As empresas galegas presentes en Iberjoya expoñen as últimas novidades en alta xoiería e tamén as novas propostas de vangarda. Nas vitrinas do stand de 100 metros cadrados que se instalou na feira, poden verse mostras de creacións artesanais tradicionais, deseños innovadores e tamén xoias que seguen as tendencias principais das coleccións da próxima temporada outono-inverno: o ouro rosado, as cadeas de grandes elos para pulseiras, colares e reloxos, os brazaletes, as moedas, as perlas en todas as súas variantes están tamén presentes nas creacións destes cinco xoieiros galegos.
Unión Joyera de Bergondo presenta nesta edición dúas liñas moi diferentes de produtos: os deseños espectaculares da alta xoiaría, con diamantes, esmeraldas, rubís ou zafiros coidadosamente seleccionados, pezas clásicas únicas; e unha liña accesible a todos os públicos nas que o deseño ten unha especial relevancia. Son pezas nas que se combinan cores diversas e variadas texturas de ouro con pedras de diferentes cores e se seguen as tendencias actuais en deseño de xoias: desde caveiras ata formas inspiradas na natureza como flores ou animais.
Ardentia, pola súa banda, presenta entre outras a súa colección Enova, en prata e acibeche con pendentes, aneis, colgante e alfinete, pezas elaboradas artesanalmente con materiais de primeira calidade. Esta firma de Bergondo acode a Iberjoya co obxectivo dar a coñecer o carácter diferenciador das súas coleccións, deseños contemporáneos en prata de lei e esmalte a lume inspirados en elementos del entorno que achegan personalidad a cada unha das súas pezas.
Fink Orfebres participa no certame coas novas coleccións para a temporada centradas na investigación de formas, texturas e cores. Esta empresa santiaguesa, que se dedica ao deseño, fabricación e comercialización da xoiaría de prata seguindo a tradición dos mestres ourives de Santiago de Compostela, traballa en deseños propios en prata e acibeche, esmaltes a fogo e pedras semi-preciosas con acabados diversos: mate, brillo, texturas e dourados.
Óscar Rodríguez, que participa desde 1995 nesta cita internacional, presenta en Iberjoya 2013 60 obras integradas nas coleccións Tesouros do Mar, xoias de cunchas con ouro, metais preciosos e diamantes e Tesouros da Terra, xoias de minerais, con ouro, metais preciosos e diamantes.
Coa nova marca da empresa, Piropo Joyas, diríxense a un cliente que segue a moda e nesta edición 2013 de Iberjoya presentan por vez primeira, ademais das súas propostas en xoiaría, as súas coleccións de reloxería e complementos de pel. En xoiaría, Piropo Joyas leva nesta edición á feira a súa colección Orgullo, pezas cunha estética elegante e moi feminina onde as trenzas, seguindo as tendencias máis actuais, ocupan un lugar destacado.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
