Na rolda de prensa posterior á Xunta de Goberno da Deputación Provincial de Lugo, Antonio Veiga, vicepresidente da institución provincial, demandou á Xunta de Galiza, e en particular ao seu presidente, Alberto Núñez Feijóo, e ao ex conselleiro de Medio Rural e actual delegado do Goberno en Galiza, Samuel Juárez, que asuman as súas responsabilidades ante a “nefasta e neglixente” xestión de Alimentos Lácteos, contra cuxos responsábeis o administrador concursal presentou unha demanda para que devolvan 236.400 euros.
Veiga explicou que existen probas suficientes para poder concluír que “a única razón de peso que moveu ao Goberno galego a adxudicar á antiga planta de Pascual en Outeiro de Rei ás cooperativas Gancobre e La Arzuana foi a vinculación dos seus xerentes co Partido Popular, xa que ambos foron destacados militantes da organización con cargos de representación institucional nos seus respectivos concellos. O xerente de Gancobre, Arcadio Lamas, foi presidente do Partido Popular na Pastoriza e o xerente de La Arzuana, Eugenio Montero, foi tenente de alcalde de Touro.
“Polo tanto –continuou o vicepresidente – dicir que a Xunta ten que asumir responsabilidades por esta cuestión é unha obviedade ao igual que o é dicir que os membros do Grupo Provincial do Partido Popular, liderados pola señora Elena Candia, deben dar a cara apoiando ou rexeitando a xestión realizada en Alimentos Lácteos amparada pola súa formación política”.
Desde a Vicepresidencia da Deputación provincial enténdese e esíxese que o Goberno galego e o Partido Popular deben buscar solucións para as decenas de traballadores e traballadoras que se quedarán sen traballo, para todos os gandeiros que entregaron leite a Alimentos Lácteos e que aínda non a cobraron e, en especial, para os gandeiros da cooperativa de Gancobre que non só se atopan atrapados polas débedas asumidas pola falla de pago de Alimentos Lácteos senón tamén polos créditos participativos polos que agora se lle veñen enriba os acredores. “Nin a Xunta nin o Partido Popular poden dar as costas a esta cuestión, xa que a través do IGAPE avalaron esta operación de Alimentos Lácteos e permitiron que se dilapidaran millóns de euros procedentes das arcas públicas para investir na antiga planta de Pascual de Outeiro de Rei e adxudicaron dita planta ás cooperativas Gancobre e Arzuana, responsables desta situación” – sentenciou Antonio Veiga.
Vicepresidencia da Deputación lucense segue apostando polo benestar social e a integración das persoas con capacidades diferentes
Na mesma rolda de prensa, Antonio Veiga, como delegado de Benestar Social, deu conta da aprobación de dous convenios de colaboración por valor total de 42.000 euros coa Asociación de pais e nais de persoas con trastorno de espectro autista ‘Raiolas de Lugo’ para a atención ambulatoria nos concellos da provincia e coa Federación de asociados de persoas con discapacidade Lugo ‘Cogami Lugo’, para o programa ‘Taller prelaboral para persoa con discapacidades na comarca da Ulloa’.
Deste xeito, a Vicepresidencia da institución provincial evidencia,unha vez máis, a súa aposta decidida polo benestar social dos colectivos máis necesitados, neste caso, polos colectivos con persoas con discapacidades diferentes que requiren dunha atención especial.
Veiga insistiu en que “na Deputación lucense non empregamos a crise como escusa para incrementar a pobreza e as desigualdades sociais senón como un estímulo para facer un maior esforzo e evitar estas situacións. Seguimos e seguiremos apostando polas políticas sociais en todos os concellos da provincia en contraposición ao que fai o Goberno galego que deixa á marxe aos municipios con menos de 20.000 habitantes e deixa sen axudas a colectivos de benestar.”
Legado de Álvaro Gil
En relación ás declaracións procedentes de membros do Grupo Provincial do Partido Popular sobre o legado de Álvaro Gil, Antonio Veiga, afirmou que á Área de Cultura non está disposta a recibir leccións do Partido Popular, en canto é este o único responsábel da situación que se está a vivir coa colección.
“Os populares son os menos indicados en falar sobre o legado de Álvaro Gil despois da herdanza envelenada que nos deixaron. Neste asunto non vale facer borrón e conta nova, xa que moitos dos que agora se sentan ao lado de Elena Candia e a asesoran, cando tiñan responsabilidades de goberno nesta Deputación negáronse a resolver este asunto” – concluíu o vicepresidente.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
